დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

აჭარის ჯანდაცვის სამინისტროს ინფორმაციით, ბათუმის მოცხუცთა თავშესაფარში 13 ბენეფიციარსა და 7 თანამშრომელს კორონავირუსი დაუდასტურდა. თავშესაფრიდან სულ 20 ინფიცირებულია.

აჭარის ჯანდაცვის ინფორმაციით ამ წუთებში 5 ბენებიციარაია ცხელების ცენტრში, მათი პასუხები კი ჯერ ცნობილი არ არის.

საქართველოში კორონავირუსის 314 ახალი შემთხვევა გამოვლინდა, გამოჯანმრთელდა 270 ადამიანი.

ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის თქმით, რეგიონების მიხედვით დღეს გამოვლენილი შმთვევები შემდეგნაირად ნაწილდება — 225 აჭარაშია, 35 თბილისში, იმერეთიში 22-ია, სამეგრელო-ზემო სვანეთში 18 ინფიცირებულია, შიდა ქართლში 9 ადამიანს დაუდასტურდა კორონავირუსი, სამცხე-ჯავახეთში 3 ინფიცირებულია, გურიაში 1 და ქვემო ქართლშიც 1 ინფიცირებულია.

სულ ქვეყანაში კორონავირუსის 5 866 შემთხვევაა დადასტურებული. აქედან 2 324 ადამიანი უკვე გამოჯანმრთელდა, 34 კი გარდაიცვალა.

5 637 ადამიანი იმყოფება კარანტინში, ხოლო 836 — სტაციონარში მეთვალყურეობის ქვეშ. ამასთან, 800 პირი კოვიდსასტუმროშია მოთავსებული.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: