რუსთავი 2-ის ჟურნალისტი, თეონა ცხომელიძე კორონავირუსისგან განიკურნა. ამის შესახებ მან საკუთარ facebook გვერდზე დაწერა.

"ტესტი უარყოფითია! და უფრო მაგარი ისაა, რომ ახალი პროტოკოლით დღესვე დავტოვებ აქაურობას", — წერს ცხომელიძე.

ცხომელიძეს კორონავირუსი 11 სექტემბერს დაუდასტურდა. ის ვარაუდობდა, რომ, შესაძლოა, მისი ინფიცირების წყარო პოლიტიკოსი თაკო ჩარკვიანი იყო, რომელიც ინფიცირებამდე რამდენიმე დღის წინ დღის კურიერის სტუმარი იყო.