ყველა ცოცხალ არსებას შორის კატები რომ ერთ-ერთი ყველაზე გამორჩეული და უნიკალური არსებები არიან, არავინ დავობს (იმედია!), კატები კი კიდევ ცალკე ერთმანეთისგან გამორჩევიან ინდივიდუალური ვიზუალითა და ხასიათით.

მიუხედავად ამისა, ჯასპერი ის იშვიათი ფისოა, რომლის მსგავსი, ალბათ, აქამდე არსად გინახავთ. ამ სტატიაში სწორედ მისი უნიკალურობის შესახებ მოგითხრობთ.

ოღონდ ნუ შეშინდებით: შეიძლება, ჯასპერი ერთი შეხედვით "უსიამოვნოდ" გამოიყურება, მაგრამ თუ კარგად გაიცნობთ, გაიგებთ, რამდენად ძლიერი და გამორჩეული კატაა.

უბეწვო და უთვალო კატას ერთგული პატრონი, სახელად კელი ჰყავს, რომელიც მასზე წლებია თავდაუზოგავად ზრუნავს.

როგორც კელი იხსენებს თავისი ოთხფეხა მეგობრის ისტორიას, ჯასპერი ჩვეულებრივ ორი თვალით დაიბადა, მაგრამ, სამწუხაროდ, თვალის რქოვანაზე არსებული მძიმე დაავადების გამო 2013 წელს ჯერ ერთი თვალის, ხუთი წლის შემდეგ კი მეორე თვალის ქირურგიული ჩარევით ამოღება დასჭირდა.

ოპერაციის შემდეგ ჯასპერს ტკივილები აღარ აწუხებს, ამავდროულად კი შემზარავად საოცარი ვიზუალი მიიღო, რამაც მას ათასობით ფანი შესძინა.

მის ანგარიშს ინსტაგრამზე ამჟამად 80 ათასამდე გამომწერი ჰყავს!

"მისგან ყოველთვის ახალ შთაგონებას ვიღებ. ჩემთან ერთად სხვებიც აღფრთოვანებულები არიან მისით: მინიმუმ ხუთმა ადამიანმა დაიხატა მისი გამოსახულებით ტატუ", — ამბობს კატის პატრონი.

ინსტაგრამთან ერთად მის ვიდეოებს TikTok-ზეც გადააწყდებით, სადაც კელი ყველას უკეთ აცნობს ჯასპერს.

@jazzypurrs

He’s had so many tests over the years, I can assure you he is a very healthy cat with some bad luck. ##catsoftiktok ##jazzypurrs ##sphynx ##pets ##fyp

♬ original sound - jazzypurrs

როგორც თავად ამბობს, ამ გზით კელის სურს, რომ ადამიანებს უფრო მეტი მოუთხროს იმ კატების შესახებ, რომელთაც განსაკუთრებული საჭიროებები აქვთ.

"ბრმა კატასაც შეუძლია იცხოვროს ბედნიერი და სასიამოვნო ცხოვრებით. თუ შინაური ცხოველის აყვანაზე ფიქრობთ, იქნებ ყურადღება მას მიაქციოთ, ვისაც სიყვარული ყველაზე მეტად აკლია: მოხუცებს, დაშავებულებს. შესაძლოა, სწორედ ისინი გახდნენ თქვენი საუკეთესო თანამგზავრები", — ამბობს კელი.