ევროპული საქართველოს ერთ-ერთი ლიდერის, გიგი უგულავას განცხადებით, აუცილებელია, ინფორმაციის მოთხოვნა, რატომ არის განსხვავებული ყოველ დღე ჩატარებული ტესტების რაოდენობა, ვინაიდან, არსებობს საშიშროება, რომ პანდემია პოლიტიკური მანიპულაციებისთვის იქნება გამოყენებული.

"იცით რა, დიდი პატივისცემის მიუხედავად, ჩვენ ეპიდემიოლოგები არ ვართ, მაგრამ მათემატიკა გვისწავლია და ჯანსაღი აზრის ფარგლებში დასკვნის გაკეთება შეგვიძლია. გუშინ 12 000 ტესტი ჩატარდა 158 შემთხვევა გამოვლინდა. დღეს 9 000-დან 152. რა უკეთეს მუშაობაზე საუბრობთ? გამოიყვანეთ პროცენტი და ნახავთ, რომ დღესაც 12 000 რომ ჩატარებულიყო, 210 შემთხვევა იქნებოდა. ისედაც ფიქრობს ხალხი, რომ ოცნება პოლიტიკური მანიპულაციებისთვის იყენებს პანდემიას და თქვენ მაინც მოგვექეცით კეთილსინდისიერად. უნდა მოვითხოვოთ, ყოველ დღე რამდენი ტესტი ჩატარდა და რატომაა განსხვავება გუშინდელ და დღევანდელ ჩატარებულ ტესტების ოდენობას შორის? თქვენ, ეპიდემიოლოგებს მაინც ნუ დაგავიწყდებათ, რომ ამ ციფრების თამაშში ადამიანები სამსახურს კარგავენ და ღარიბდებიან", — წერს უგულავა Facebook-ზე.

გუშინ, 12 სექტემბერს საქართველოში კორონავირუსის 158 შემთხვევა გამოვლინდა, დღეს, 13 სექტემბერს — 152.