ბათუმის რესპუბლიკურ საავადმყოფოში ამ დროისთვის პაციენტების მისაღებად ადგილი აღარ აქვთ. ბათუმის რესპუბლიკური საავადმყოფოს კლინიკური მენეჯერის, გია კიკაბიძის თქმით, იგეგმება ზოგიერთი პაციენტის საკარანტინე ზონაში გადაყვანა და მერე გამოთავისუფლდება ადგილები.

"გუშინდელი ზოგიერთი პაციენტი, უადგილობის გამო, რეანიმაციულ განყოფილებაში მოვათავსეთ და დღეს სომატურ განყოფილებაში უნდა გადმოვიყვანოთ. თუ პაციენტებს საკარანტინო ზონაში გადავიყვანთ, ვნახავთ, რამდენი ადგილი გამოგვითავისუფლდება", — განაცხადა გია კიკაბიძემ.

მისივე თქმით, ამ დროისათვის რესპუბლიკურ საავადმყოფოში მკურნალობას148 კოვიდ ინფიცირებული პაციენტი განაგრძობს. 4 პაციენტი კი რეანიმაციულ განყოფილებაში იმყოფება და მათი მდგომარეობა საშუალო სიმძიმისაა.