სტრატეგია აღმაშენებლის ერთ-ერთი ლიდერის, სერგო ჩიხლაძის განცხადებით, გიორგი ვაშაძეს კორონავირუსი არ დაუდასტურდა, ვაშაძემ და მისმა პარტიის წევრებმა მას შემდეგ ჩაიტარეს ტესტირება, რაც თაკო ჩარკვიანს კოვიდ19 დაუდასტურდა.

"ტესტი ჩაიტარა როგორც პისიარი, ასევე ანტისხეულებზე ბატონმა გიორგი ვაშაძემ და შესაბამისად დღეს მივიღეთ პასუხი, რომელიც არის უარყოფითი. შედგენილია 87 კაცის სია, რომელიც დაავადებათა კონტროლის ცენტრში გადაგზავნილია და შესაბამისად დღეს უკვე დაგეგმილია 11:00 საათიდან ამ ადამიანებზე ტესტირებები და სპეციალური განრიგი არის შედგენილი. ეს არის ის 87 ადამიანის კონტაქტები, ვისაც კი გადაკვეთა ჰქონდა ქალბატონ თაკო ჩარკვიანთა და მის ოფისთან საბურთალოზე, ყველა მათგანი დაიტესტება და შესაბამისი პასუხები ხვალ იქნება ცნობილი", — განაცხადა სერგო ჩიხლაძემ.

სტრატეგია აღმაშენებლის ერთ-ერთ ლიდერს, თაკო ჩარკვიანს გუშინ კორონავირუსი დაუდასტურდა, მან ეს ინფორმაცია თავის ფეისბუქზე გაავრცელა.