ბელარუს ოპოზიციონერს, საკოორდინაციო საბჭოს წევრ მარია კოლესნიკოვას მოქმედი პრეზიდენტის, ალექსანდრე ლუკაშენკოს საგამოძიებო ორგანო ხელისუფლების ხელში ჩაგდებას ედავება. როგორც TUT.BY-ს ადვოკატმა, ლიუდმილა კოზაკმა განუცხადა, კოლესნიკოვას საქმეზე გამოძიება სწორედ ხელისუფლების ხელში ჩაგდების საჯარო მოწოდების ბრალდებით დაიწყო. ადვოკატმა მისი #1 წინასწარი დაკავების იზოლატორში ნახვა შეძლო, სადაც ახლა ის იმყოფება.

მარია კოლესნიკოვას მამამ დღეს განაცხადა, რომ მისი შვილი ვოლოდარსკის ციხეში იმყოფებოდა. კოლესნიკოვას ქვეყნიდან გაძევებას რამდენიმე დღის განმავლობაში ცდილობდნენ. ის ბელარუსის დატოვებაზე უარს აცხადებდა და ამის გამო პასპორტიც კი დახია.

მისი დაკავების შესახებ ინფორმაცია 7 სექტემბერსაც გავრცელდა. ნიღბიანმა ადამიანებმა კალესნიკოვა მიკროავტობუსში ჩასვეს და გაურკვეველი მიმართულებით წაიყვანეს.

ბელარუსში საპროტესტო აქციების პარალელურად ალექსანდრე ლუკაშენკოს ხელისუფლების მხრიდან რეპრესიები გრძელდება. აქციებზე აკავებენ ათეულობით ადამიანს, ოპოზიციის წევრებს კი დაკითხვებზე იბარებენ. რამდენჯერმე გავრცელდა ინფორმაციაც დაკარგულებზეც.

გაიგეთ მეტი:

სად გაუჩინარდა სამი ქალი, რომელიც ლუკაშენკოს დიქტატურას წინ აღუდგა