ბელაურუსი ოპოზიციონერის, მარია კოლესნიკოვას მამამ TUT.BY-ს განუცხადა, რომ მისი შვილი ამჟამად ვოლოდარსკის #1 წინასწარი დაკავების იზოლატორში იმყოფება. გამოცემის ცნობით, ოპოზიციის საკოორდინაციო საბჭოს 7 წევრიდან 6 დაკავებულია ან ქვეყნიდან ძალდატანებით არის გაძევებული.

კოლესნიკოვას ქვეყნიდან გაძევებას რამდენიმე დღის განმავლობაში ცდილობდნენ. ის ბელარუსის დატოვებაზე უარს აცხადებდა და ამის გამო პასპორტიც კი დახია.

მისი დაკავების შესახებ ინფორმაცია 7 სექტემბერს გავრცელდა. ნიღბიანმა ადამიანებმა კალესნიკოვა მიკროავტობუსში ჩასვეს და გაურკვეველი მიმართულებით წაიყვანეს.

ბელარუსში საპროტესტო აქციების პარალელურად ალექსანდრე ლუკაშენკოს ხელისუფლების მხრიდან რეპრესიები გრძელდება. აქციებზე აკავებენ ათეულობით ადამიანს, ოპოზიციის წევრებს კი დაკითხვებზე იბარებენ. რამდენჯერმე გავრცელდა ინფორმაციაც დაკარგულებზეც.

გაიგეთ მეტი:

სად გაუჩინარდა სამი ქალი, რომელიც ლუკაშენკოს დიქტატურას წინ აღუდგა