დაავადებათა კონტროლის ცენტრის ხელმძღვანელის, ამირან გამყრელიძის თქმით, წინასაარჩევნო აგიტაციის დროს პირბადის ტარება აუცილებელია, თუ დისტანცია დაცული არაა. ამის შესახებ მან საკოორდინაციო საბჭოს სხდომის შემდეგ განაცხადა.

"დღეს რასაც ვუყურებთ, არ ხმარობენ გარეთ პირბადეებს, ამიტომ აუცილებელია იქაც [აგიტაციის დროს], თუ დისტანცია არაა დაცული, პირბადის ტარება", — განაცხადა გამყრელიძემ.

რაც შეეხება არჩევნების წინა პერიოდში შეზღუდვებს, გამყრელიძე ამბობს, რომ პროცესის მონიტორინგი უნდა იყოს, თუმცა ნაკლები შეზღუდვებით.

"პოლიტიკური პროცესია და არჩევნების დროს რაც შეიძლება ნაკლები შეზღუდვები უნდა იყოს, რომ ეს არ იყოს გამოყენებული ან მმართველი, ან სხვა პარტიების მიმართ დისკრიმინაციად, რომ პროცესი იზღუდება", — აღნიშნა მან.

საკოორდინაციო საბჭოს ახალი გადაწყვეტილებით, 10 სექტემბრიდან 200 ადამიანზე მეტის მონაწილეობით კულტურული და სპორტული ღონისძიებები აიკრძალება, თუმცა ეს არ შეეხება საარჩევნო აგიტაციას.

ამავე თემაზე: