თბილისის მერის, კახა კალაძის განცხადებით, ქვეყანაში არსებული ეპიდემიოლიგიური მდგომარეობიდან გამომდინარე, თბილისობის ღონისძიებები გაუქმდა. მისივე თქმით, დაიგეგმება მხოლოდ კონცერტები, რომლებიც ონლაინ გაიმართება.

"ყველამ იცით, რომ თბილისობა იმართებოდა ოქტომბრის თვის პირველ შაბათ-კვირას, თუმცა არსებული რეალობიდან გამომდინაერე მოგვიწევს ამ ღონისძებების გადადება. ჩვენთვის ყველაზე მთავარია და მნიშვნელოვანია ადამიანი და ადამიანის ჯანმრთელობა. შესაბამისად, ღონისძიებები იქნება გაუქმებული", — განაცხადა კალაძემ მერიაში გამართულ სხდომაზე.

9 სექტემბრის მონაცემებით, საქართველოში კორონავირუსის 44 ახალი შემთხვევა გამოვლინდა, გამოჯანმრთელდა 4 ადამიანი.