დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ცაგერის მუნიციპალიტეტში 5 ადამიანს კორონავირუსი დაუდასტურდა. ამის შესახებ ინფორმაცია On.ge-ს ცაგერის ჯანდაცვის ცენტრის ხელმძღვანელმა, თეა გურგუჩიანმა დაუდასტურა. მისი თქმით შემთხვევა სოფლებში ლეშკედასა და ლაჯანაში დაფიქსირდა.

"მინდინარეობს კვლევები, ეპიდემიოლოგები ვმუშაობთ საკითხზე, ვატარებთ ტესტირებას. უკვე 60-მდე კონტაქტი გვაქვს დაზუსტებული და მათ აღებული აქვთ ანალიზი. სოფელ ლეშკედაში ვიმყოფებით ვადგენთ კონტაქტებს, ასევე ლაჯანაში მუშაობს რეგიონალური სამსახური", — ამბობს ის.

8 სექტემბრის მონაცემებით, საქართველოში კორონავირუსის 45 ახალი შემთხვევა გამოვლინდა, 6 ადამიანი გამოჯანმრთელდა.

ინფექციური საავადმყოფოს სამედიცინო დირექტორის, მარინა ეზუგბაიას თქმით, 45 ახალი შემთხვევიდან 5 უკავშირდება ფართომასშტაბიან ქორწილს თბილისში. 23 შემთხვევა კი აჭარაში გამოვლინდა.

"3 უკავშირდება დონას კლასტერს, 19 არის დადასტურებულ შემთხვევებთან კონტაქტი, 4 სამედიცინო პერსონალი ავერსის კლინიკიდან, 4 შემოტანილი, მათგან 1 სატვირთო ავტომობილის მძღოლია, 12 არის მოგზაურობის ისტორიით აჭარაში, 3-ზე მიმდინარეობს ეპიდკვლევა წყაროებისა და კონტაქტების დადგენის მიზნით", — აღნიშნა ეზუგბაიამ.

ჯამში, საქართველოში კორონავირუსის დადასტურებულ შემთხვევათა რაოდენობა 1 729-მდე გაიზარდა, ამათგან 1 321 უკვე გამოჯანმრთელდა, 19 კი გარდაიცვალა. კარანტინის რეჟიმში იმყოფება 5 882, სტაციონარში მეთვალყურეობის ქვეშ კი — 390.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე:

თეა გურგუჩიანი