საკარანტინო ვადები 8 დღემდე შემცირდა — გახარია
![](http://joey.on.ge/2020/09/03/1594279340.jpg)
ფოტო: საქართველოს მთავრობა
დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144
პრემიერმინისტრის, გიორგი გახარიას განცხადებით, საკარანტინო ვადები 8 დღემდე შემცირდა.
"საკარანტინე სივრცეები, მოგეხსენებათ, ჩვენთან ფუნქციონირებდა პირველი 14 დღის განმავლობაში ქვეყანაში შემოსვლის პირობებში. საკარანტინო მოთხოვნა 14 დღის ნაცვლად იქნება 8 დღე. ვამცირებთ იმისთვის, რომ დამატებითი დისკომფორტი შევუმსუბუქოთ ჩვენს მოქალაქეებს და სტუმრებსაც მათ შორის. იქნება 8 დღე, 8 დღის შემდგომ კი იქნება PCR ტესტი. მე-9 დღეს ტესტის უარყოფითი პასუხის შემთხვევაში დატოვებენ საკარანტინო სივრცეს და ექნებათ კიდევ ერთი ვალდებულება — 12 დღის თავზე კიდევ ერთი ტესტის გაკეთების", — განაცხადა პრემიერმინისტრმა.
ჯანდაცვის მინისტრის ეკატერინე ტიკარაძის თქმით, თუ პაციენტს მე-12 დღეს დაუფიქსირდა ვირუსი, მას სტაციონარში გადაიყვანენ, ხოლო თუ საკარანტინე პირობებში იქნება შესაძლებელი მკურნალობა, შესაბამის ღონისძიებებს მიიღებენ.
"ამ შემთხვევაში, რა თქმა უნდა, მოქალაქე გადაგვყავს სტაციონარში, ექიმები იწყებენ შესაბამის მკურნალობას იმ შემთხვევაში, თუ მას მსგავსი ესაჭიროება, ხოლო იმ შემთხვევაში, თუ შესაძლებელი არის პაციენტის მკურნალობა საკარანტინე პირობებში, ასევე, ექიმების მეთვალყურეობის ქვეშ, რა თქმა უნდა, მივიღებთ შესაბამის ღონისძიებებს", — განაცხადა ჯანდაცვის მინისტრმა.
ჯანდაცვის მინისტრის, ეკატერინე ტიკარაძის თქმით, დადგენილებაში ცვლილების შეტანისთანავე ამოქმედდება ეს ღონისძიება.
7 სექტემბრის მონაცემებით, საქართველოში კორონავირუსის 34 ახალი შემთხვევა გამოვლინდა, 5 ადამიანი გამოჯანმრთელდა. მონაცემები StopCov-ზე განახლდა.
ინფექციური საავადმყოფოს სამედიცინო დირექტორის, მარინა ეზუგბაიას თქმით, 34 დადასტურებული შემთხვევის განაწილება შემდეგნაირია — 6 შემთხვევა საკონდიტრო დონას კლასტერიდანაა, 15 პაციენტის წყარო დადასტურებულ შემთხვევებთან კონტაქტია, 8 პაციენტს აჭარაში მოგზაურობის ისტორია აქვს, 1 დადასტურებული შემთხვევა სამედიცინო პერსონალია, 2 კი შემოტანილი შემთხვევაა. დარჩენილ 2 პაციენტზე წყაროს დადგენისა და კონტაქტების მოძიების თვალსაზრისით ეპიდემიოლოგიური კვლევა გრძელდება.
ჯამში, საქართველოში კორონავირუსის დადასტურებულ შემთხვევათა რაოდენობა 1 684-მდე გაიზარდა, ამათგან 1 315 უკვე გამოჯანმრთელდა, 19 კი გარდაიცვალა. კარანტინის რეჟიმში იმყოფება 6 020, სტაციონარში მეთვალყურეობის ქვეშ კი — 299.
წაიკითხეთ NCDC-სა და WHO-ს რეკომენდაციები კორონავირუსის პრევენციაზე:
- აუცილებელი რეკომენდაციები კორონავირუსისგან თავის დასაცავად
- Ի՞նչ է նոր կորոնավիրուսը — რეკომენდაციები კორონავირუსის პრევენციისთვის სომხურ ენაზე
- Yeni koronavirus nədir? — რეკომენდაციები კორონავირუსის პრევენციისთვის აზერბაიჯანულ ენაზე
- რეკომენდაციები თვითიზოლაციაში მყოფი პირებისთვის
- რეკომენდაციები კარანტინში მყოფებისთვის
- როგორ უნდა გაიკეთოთ, გამოიყენოთ და გადააგდოთ ნიღაბი
- როგორ დავიბანოთ ხელები სწორად კორონავირუსისგან დასაცავად
- როგორ უნდა მოიქცეთ სახლიდან გასვლისას და სახლში დაბრუნებისას.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები