დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს დირექტორი, თენგიზ ცერცვაძე აცხადებს, რომ ქვეყანაში ვირუსის ფართოდ გავრცელება არაა. ამის შესახებ მან ჟურნალისტებს განუცხადა.

"არც დაკეტვა განიხილება და არც საგანგებო ზომების შემოღება. მიკრო აფეთქებები და ლოკალური მატებები არ გასცდენია იმ ზღვარს, რომლის შემდეგაც შეიძლება ვიფიქროთ, რომ ქვეყანაში ვირუსი ფართოდ გავრცელდება", — აღნიშნა ცერცვაძემ.

დღეს, 5 სექტემბერს კორონავირუსის ინფიცირებულთა რიცხვი 25-ით გაიზარდა, ხოლო 8 გამოჯანმრთელდა.

ახალი შემთხვევიდან 9 საკონდიტრო დონას კლასტერიდანაა. გარდა ამისა, 8 არის ინფიცირებულებთან კონტაქტი. ახალი შემთხვევებიდან 1 არის რუსთავის ავერსის კლინიკის თანამშრომელი. ამასთან, 1 შემთხვევის წყარო უცნობია.

სულ კორონავირუსის 1 621 დადასტურებული შემთხვევაა, ამათგან 1 302 უკვე გამოჯანმრთელდა, 19 კი გარდაიცვალა.

StopCov-ის ვებგვერდის თანახმად, კარანტინის რეჟიმში იმყოფება 6 144, სტაციონარში მეთვალყურეობის ქვეშ კი — 292.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: