ბელარუსში ტელეგრამის არხმა პულ პერვოგო გაასაჯაროვა "გერმანია-პოლონეთის საიდუმლო საუბარი", რომელიც თითქოსდა ბელარუსის დაზვერვამ მოიპოვა. აუდიოჩანაწერში საუბარია იმაზე, რომ რუსი ოპოზიციონერი ალექსეი ნავალნის მოწამვლა ფალსიფიკაციაა.

პრეზიდენტმა ალექსანდრ ლუკაშენკომ აღნიშნული აუდიოჩანაწერის შესახებ 3 სექტემბერს რუსეთის პრმიერმინისტრ მიხაილ მიშუსტინთან ისაუბრა. ლუკაშენკო ამტკიცებდა, რომ აუდიოჩანაწერი სწორედ მათ მოიპოვეს.

როგორც ბელარუსის დაზვერვა ამტკიცებს, საუბრობენ ნიკი ბერლინიდან და მაიკი ვარშავიდან. აღნიშნული საიბარში "ნიკი" და "მაიკი" ბელარუში განვითარებულ მოვლენებსაც განიხილავენ და ლუკაშენკოს კერკეტ კაკლად მოიხსენიებენ:

ვარშავა: ალო! გამარჯობა, ნიკ. როგორაა თქვენი საქმე?

ბერლინი: როგორც ჩანს, ყველაფერი გეგმის მიხედვით მიდის... ნავალნიზე მასალები მზადაა. კანცლერის ადმინისტრაციაში გადავგზავნით. მის განცხადებას ველოდებით.

ვარშავა: მოწამვლა ზუსტად დასტურდება?

ბერლინი: მაიკ, მისმინე, ამ შემთხვევაში, ეს ასე მნიშვნელოვანი არაა... ომი მიდის... ხოლო ომის დროს ყველა მეთოდი მისაღებია.

ვარშავა: გეთანხმები, პუტინს უნდა გაუქრეს ბელარუსის საქმეებში ცხვირის ჩაყოფის სურვილი... ყველაზე ეფექტური გზა — რუსეთის საქმეებში მისი ჩაძირვაა, რომელიც ცოტა არაა! მით უმეტეს, უახლოეს მომავალში რეგიონებში არჩევნები აქვთ.

ბერლინი: სწორედ ამით ვართ დაკავებული. და საერთოდ, როგორაა საქმე ბელარუსში?

ვარშავა: სიმართლე გითხრა, არც ისე კარგად. პრეზიდენტი ლუკაშენკო კერკეტი კაკალი აღმოჩნდა. ისინი ორგანიზებულები და პროფესიონალები არიან. გასაგებია, მათ რუსეთი უჭერს მხარს. მაღალჩინოსნები და ჯარისკაცები პრეზიდენტს უჭერენ მხარს. დანარჩენი შეხვედრის დროს გეტყვი და არა ტელეფონით.

ბერლინი: კი, კი, მესმის. მაშინ დროებით. ნახვამდის.

ვარშავა: ნახვამდის.

კორუფციასთან ბრძოლის ფონდის ხელმძღვანელი, ალექსეი ნავალნი ომსკის საავადმყოფოში, 20 აგვისტოს მოათავსეს. გერმანელმა ექიმებმა დაადგინეს, რომ ის მოწამლულია. გერმანიის მთავრობის განცხადებით, ალექსეი ნავალნი "ნოვიჩოკით" მოწამლეს. ეს არის ქიმიური ნივთიერება, რომელიც ნერვიულ სისტემას ანადგურებს.

რუსეთის საგარეო საქმეთა სამინისტროში მიაჩნიათ, რომ ნავალნის მოწამვლა ფაქტებით არ არის განმტკიცებული.