The Guardian-ის ცნობით, ზოგიერთი ავიაკომპანია ფრენის საკუთარ მენიუს განცალკევებულ პროდუქტად ყიდის, რათა ცოტათი მაინც შეუმსუბუქოს მომხმარებლებს მოგზაურობის ნოსტალგია.

მომცრო სინსა და დრეკად თეფშებზე მოთავსებული საკვები, რომელსაც 10 კილომეტრის სიმაღლეზე მიირთმევდით, ახლა უკვე შეგიძლიათ ისეთი ცნობილი ავიახაზებისგან შეიძინოთ, როგორიცაა Thai Airways. ეს კომპანია საკვებს აპრილის შემდეგ ყიდის.

Aerofood ACS, კომპანია, რომელიც ინდონეზიის სახელმწიფო ავიახაზისათვის ამზადებს საკვებს, მომხმარებელს თან წასაღებ ლანჩს სთავაზობს. აეროპორტის თანამშრომლებს თვითმფრინავის საკვების ყიდვ ჰონგ-კონგის ავიაკომპანია Cathay Pacific-ისგანაც შეუძლიათ.

კორონავირუსის პანდემიამ ავიაკომპანიებს დიდი დარტყმა მიაყენა და მათ თანხის გამოსამუშავებლად ახალი ხერხების მოძიება უწევთ.

ფოტო: Myway Airlines

საავიაციო ტრანსპორტის საერთაშორისო ასოციაციამ ივლისის ბოლოს განაცხადა, რომ საუკეთესო შემთხვევაშიც კი 2024 წლამდე ინდუსტრია სრულად აღდგენას ვერ მოახერხებს.

იმ ავიახაზებს, რომლებიც ფრენებს ახორციელებენ, უსაფრთხოების ზომებიდან გამომდინარე, საკვების მიწოდება მგზავრებისათვის ეკრძალებათ. ამ შეზღუდვამ დააზარალა ის კომპანიებიც, რომლებიც ავიახაზებისათვის ამზადებენ საკვებს.

GNS Nuts-ს, რომელიც ამერიკული ავიახაზებისთვის მუშაობს, 13 ათასი კილოგრამი საკვები დარჩა მარაგში, რისი გაყიდვაც მოგვიანებით "თვითღირებულების ფასად" მოუწია ინტერნეტში.

თუმცა თავის გადასარჩენად ავიაკომპანიებს მხოლოდ საკვების გაყიდვა არ უწევთ. Qantas-მა, მაგალითად, 18-დოლარიანი სპეციალური ფუთები გაყიდა, რომლებშიც ფრენის ხალათი, ორცხობილები და საძილე ნიღბები შედის.