დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელის, ამირან გამყრელიძის განცხადებით, ქართული ოცნების ოფისის თანამშრომლის 5 კონტაქტს კორონავირუსი დაუდასტურდა.

30 აგვისტოს ცნობილი გახდა, რომ მმართველი პარტიის სათაო ოფისის თანამშრომელს კორონავირუსი დაუდასტურდა.

ამირან გამყრელიძის თქმით, ინფიცირებული პირის 240-მდე კონტაქტი გამოიკვლიეს.

დღევანდელი მონაცემებით, საქართველოში კორონავირუსის 18 ახალი შემთხვევა გამოვლინდა, გამოჯანმრთელებულთა რიცხვი კი 19-ით გაიზარდა.

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, 7 არის დადასტურებულ შემთხვევასთან კონტაქტი, ხოლო 11 — შემოტანილი შემთხვევა, რომელთაგან ორი სატვირთო ავტომობილის მძღოლია.

ჯამში, საქართველოში კორონავირუსის დადასტურებულ შემთხვევათა რაოდენობა 1 487-მდე გაიზარდა, გამოჯანმრთელებულია 1 240 ადამიანი, გარდაცვლილი კი — 19. კარანტინის რეჟიმში რჩება 5 524 პირი, სტაციონარში მეთვალყურეობის ქვეშ კი 221 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: