პარლამენტთან ბელარუსი ხალხის მხარდასაჭერი აქცია გაიმართა. აქცია მოძრაობა შეცვალემ საქართველოში მყოფ ბელარუსებთან ერთად გამართა.

როგორც აქციის ორგანიზატორებმა განაცხადეს, მათი მთავარი მოთხოვნაა საქართველო შეუერთდეს თავისუფალი სამყაროს იმ წევრების რიგს, რომელთაც ბელარუსის საპრეზიდენტო არჩევნები ლეგიტიმურად არ აღიარეს.

"26 აგვისტოს დაიწყო ბელარუსი ხალხის მხარდასაჭერი კამპანია, რომელშიც 45-მდე ქვეყანაა ჩართული და საქართველოს იმიჯისთვის საერთაშორისო ასპარეზზე აუცილებელი, სწორი დიპლომატიური ნაბიჯი იქნებოდა საქართველოს ხელისუფლებას თავის დროზე დაეფიქსირებინა თავისი მკაფიო პოზიცია და არ ეღიარებინა ბოლო არჩევნები, რომელიც არალეგიტიმურად იქნა მიჩნეული თავისუფალი სამყაროს წევრების მიერ", — განაცხადა ნიკა ფარულავამ.

მისივე თქმით, თბილისის მერმა, კახა კალაძემ ვერ შეძლო გამოეხატა სოლიდარობის პატარა აქტი ბელარუსი ხალხის მიმართ და თბილისის ანძა ვერ გაანათა ბელარუსის ახალი დროშის ფერებში.

ფოტო: გვანცა სეთურიძე/On.ge

აქციის მონაწილეები ბელარუსის დროშის ფერებში, თეთრსა და წითელში იყვნენ შემოსილი, აქციის მსვლელობისას კი სკანდირებდნენ "ჟივე, ბელარუს!".

ფოტო: გვანცა სეთურიძე/On.ge

ფოტო: გვანცა სეთურიძე/On.ge

ნახეთ On.ge-ს პირდაპირი ეთერი აქციიდან: