სოციალურ ქსელში გავრცელდა ვიდეო, რომელშიც ჩანს, როგორ ესვრიან სამხედრო თვითმფრინავიდან ლიეტუველი ხალხის მიერ ბელარუსებისადმი სოლიდარობის ნიშნად გაშვებულ ბუშტებს, რომელზეც საპროტესტო დროშაა ჩამოკიდებული. ვიდეოს ავთენტურობა კითხვის ნიშნის ქვეშ იდგა, თუმცა ბელარუსის თავდაცვის სამინისტრომ დაადასტურა, რომ 23 აგვისტოს ბუშტებს მათ ესროლეს.

თავდაცვის უწყება ამტკიცებდა, რომ ლიეტუველების გაშვებული ბუშტები საჰაერო საზღვრის დარღვევის მცდელობა და პროვოკაციაა.

"პირველ რიგში, ნებისმიერი ქვეყნის ნებისმიერი საზღვარი ხელშეუხებელია და არ არის დამოკიდებული იმაზე, ქარის როგორი მიმართულებაა კონკრეტულ მომენტში და არც მოქალაქეთა სურვილზე, იხუმრონ, გაუშვან ბუშტები.

მეორეც, ეს ერთი შეხედვით ჩანს ბუშტები უპრობლემოდ, თუმცა საფრთხეა მფრინავებისთვის. მესამეც, არავინ იცის რა იყო ამ ბუშტებში. შესაძლოა, ისინი შეიცავდნენ ასაფეთქებელ ან მომწამვლელ მოწყობილობას", — წერია ტელეგრამის გვერდზე მათ გავრცელებულ განცხადებაში.

24 აგვისტოს, ლეიტუვამ განაცხადა, რომ ბელარუსმა მათი საჰაერო სივრცე დაარღვია და მათ ტერიტორიაზე MI-24-ის ტიპის თვითმფრინავი შეფრინდა. ბელარუსის თავდაცვის უწყებამ განმარტა, რომ ამ თვითმფრინავით მათ "აღკვეთეს" ბელაურისს საზღვრის დარღვევის მცდელობა, როცა ბუშტებს დაუპირისპირდნენ და იმედი გამოთქვა, რომ ლიეტუვა ამ ფაქტს, პოლიტიკური ნიშნით არ გამოიყენებდა.

ბელარუსში საპროტესტო აქციების დაწყებისთანავე ლიეტუვამ მოსახლეობას მხარდაჭერა გამოუცხადა. მათ ალექსანდრ ლუკაშენკოსა და 31 ბელარუს მაღალჩინოსანს ლიეტუვაში შესვლა აუკრძალეს, 23 აგვისტოს კი 50 000 ლიეტუველმა სოლიდარობის ჯაჭვი შეკრა, რომელშიც ქვეყნის მოქმედი და ყოფილი პრეზიდენტებიც მონაწილეობდნენ.