ისრაელის საგარეო საქმეთა სამინისტრო შატილში მომხდარ ტრაგედიას ეხმიანება და დაზარალებულებს სწრაფ გამოჯანმრთელებას უსურვებს.

"ისრაელი შატილის გზაზე მომხდარი ტრაგედიის დროს დაღუპულთა და დაზარალებულთა ოჯახებს თანაგრძნობას უცხადებს, დაზარალებულებს კი სწრაფ და სრულ გამოჯანმრთელებას ვუსურვებთ", — წერია განცხადებაში.

ავტოსაგზაო შემთხვევა დუშეთის მუნიციპალიტეტში, სოფელ ბისოს სიახლოვეს, შატილის გზაზე მოხდა. სამგზავრო მიკროავტობუსი, დაახლოებით, 80 მეტრის სიმაღლიდან კლდოვან ფერდობზე გადავარდა. შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ის 276-ე მუხლით დაიწყო.