ისტორიული ფიგურების ცნობილი პორტრეტები მათმა შთამომავლებმა გააცოცხლეს

ფოტოგრაფმა დრიუ გარდნერმა, რომელსაც ისტორია განსაკუთრებულად უყვარს, გადაწყვიტა, ისტორიული ფიგურების ცნობილი პორტრეტები გაეცოცხლებინა, მოდელებად კი მათი პირდაპირი შთამომავლები აარჩია.

სერიის მოსამზადებელმა სამუშაოებმა რამდენიმე სატელეფონო ზარზე მეტი მოითხოვა. გარდნერმა არა მხოლოდ ისტორიულ პირთა პირდაპირი შთამომავლების მოსაძებნად და მათი წარმომავლობის გადასამოწმებლად ჩაატარა სიღრმისეული კვლევა, არამედ პორტრეტების უმცირესი დეტალებიც კი გულმოდგინედ შეისწავლა.

თუმცა, საბოლოოდ, ფოტოგრაფს შრომა დაუფასდა. იმდროინდელი კოსტიუმების და შესაფერისი ფონების საშუალებით, სურათები ისტორიის წიგნის გაცოცხლებულ ილუსტრაციებს ჰგავს. გარდნერს ყურადღებიდან პორტრეტებში გამოყენებული განათებაც არ გამორჩენია და ეცადა, საკუთარ ნამუშევრებში მრავალგვარი ტექნიკის საშუალებით მაქსიმალურად იდენტური პირობენ შეექმნა.

შედეგმა მოლოდინს გადააჭარბა — გვერდიგვერდ მოთავსებულ წინაპრებსა და შთამომავლებს შორის მსგავსება განმაცვიფრებელია.

1. თომას ჯეფერსონი 1800 წელს და შენონ ლენიერი — მისი მეექვსე თაობის შვილთაშვილი

2. ჩარლზ დიკენსი 1858 წელს და ჯერალდ ჩარლზ დიკენსი — მისი შვილიშვილის შვილთაშვილი

3. ემელინ პანკჰერსტი და ჰელენ პანკჰერსტი — მისი შვილთაშვილის შვილი

4. ნაპოლეონ ბონაპარტი 1812 წელს და უგო დე სალი — მისი მეხუთე თაობის შვილთაშვილი

5. ოლივერ კრომველი 1653-1654 წლებში და ჩარლზ ბუში — მისი მეათე თაობის შვილთაშვილი

6. ფრედერიკ დუგლასი 1863 წელს და რუბინ ლ. ენდრიუსი

7. ჩარლზ II 1653 წელს და ლორდი ჩარლზ ფიცროი — მისი მეცხრე თაობის შვილთაშვილი

8. ლიზა დე ჯოკონდო (მონა ლიზა) და ირინა გვიჩარდინი სტროცი — მისი მეთხუთმეტე თაობის შვილთაშვილი

9. ბერტა მორიზო 1872 წელს და ლუსი რუარი — მისი შვილთაშვილი

10. უელინგტონის პირველი ჰერცოგი, ართურ უელსლი, 1824 წელს და ჯერემი კლაიდი — მისი მეოთხე თაობის შვილთაშვილი

11. ელიზაბეთ კედი სტენტონი 1850 წელს და ელიზაბეთ ჯენკინს-სელინი

12. უილიამ უორდსვორთი 1798 წელს და ენდტომ უონტნერი — მისი მეხუთე თაობის შვილთაშვილი

13. ჰორაციო ნელსონი 1800 წელს და უილიამ ჯონ რეგლან ჰორაციო ტრაიბი — მისი მეხუთე თაობის შვილთაშვილი

14. იზამბარდ კინგდომ ბრუნელი 1857 წელს და იზამბარდ თომასი — მისი მეოთხე თაობის შვილთაშვილი

15. რობერტ კლაივი 1773 წელს და რობერტ ჰოლდენი — მისი მეექვსე თაობის შვილთაშვილი

ბოლო ამბები:

გირჩევთ