მართალია, სპორტის კომენტატორი მია ხალიფა პორნოინდუსტრიაში მხოლოდ სამი თვით იყო, მისი პოპულარობა წლების განმავლობაში გაგრძელდა. ბოლო თვეებში მან თავისი მასობრივი პლატფორმის გამოყენება სოციალური აქტივიზმისთვის დაიწყო და საჯაროდ ისაუბრა პორნოინდუსტრიის საფრთხეებზე. ახლა ლიბანელ-ამერიკელი ვარსკვლავი თავის პოპულარობას წინა კვირაში ლიბანში, ბეირუთში (სადაც თვითონ დაიბადა), მომხდარი აფეთქებით დაზარალებულების დასახმარებლად იყენებს.

ხალიფამ ლიბანის წითელი ჯვრის საზოგადოების მხარდასაჭერად eBay-ს აუქციონზე თავისი საქვეყნოდ ცნობილი სათვალეები გაიტანა. ამ დროისთვის აუქციონის დასრულებამდე 2 დღეზე მეტია დარჩენილი, გაკეთებული 187 ფსონიდან უმაღლესი კი $100 ათასია. სათვალე ცნობილი იმითაა, რომ ის მია ხალიფას თავისი პორნოვარსკვლავობის დროს ეკეთა ვიდეოებში.

eBay-ზე სათვალის მდგომარეობა აღწერილია, როგორც "ნახმარი და გამოყენებული", რაც მის წარსულზე თვითირონიულ მინიშნებადაც შეიძლება აღვიქვათ. ხალიფა მყიდველებს დაპირდა, რომ გამარჯვებულის სურვილის შემთხვევაში ის სათვალეზე ხელს მოაწერს და გაგზავნამდე პოლაროიდით ფოტოსაც გადაიღებს. eBay-ს აღწერაში ის სხვა ჯილდოებზე შემოთავაზებების მიღების მზაობასაც აცხადებს.

"მოდი, გავგიჟდეთ და ძალიან ბევრი ფული შევუგროვოთ ლიბანელ ხალხს", — დაწერა მან. მისი სტატუსისა და აუქციონზე უკვე შემოთავაზებული უზარმაზარი თანხის გათვალისწინებით, ხალიფა, ალბათ, აისრულებს კიდეც ამ სურვილს.