ერთიანი ნაციონალური მოძრაობის მაჟორიტარი დეპუტატობის კანდიდატების ნაწილი ცნობილია. პარტიაში On.ge-ს ოთხის ვინაობა დაუდასტურებს:

  • გრიგოლ ვაშაძე — ქუთაისი;
  • დავით კირკიტაძე — რუსთავი;
  • გიორგი ბოტკოველი — ახმეტა, ყვარელი, ლაგოდეხი, თელავი;
  • ლევან ბეჟაშვილი — გურჯაანი, სიღნაღი, დედოფლისწყარო.

ამავე მაჟორიტარულ ოლქებში უკვე წარადგინეს კანდიდატები ქართულმა ოცნებამ და ევროპულმა საქართველომ. ქართული ოცნებიდან ქუთაისში ზაზა ლომინაძე იქნება; რუსთავში ნინო ლაცაბიძე; გურჯაანში, სიღნაღსა და დედოფლისწყაროში დავით სონღულაშვილი; ხოლო თელავსა და ახმეტაში ირაკლი ქადაგიშვილი. რაც შეეხება ევროპულ საქართველოს, ქუთაისის მუნიციპალიტეტში ოთარ კახიძე იბრძოლებს; რუსთავში მაჟორიტარი დეპუტატობისთვის ირმა ნადირაშვილია წარდგენილი; ზურაბ ჭიაბერაშვილი კენჭს იყრის თელავის, ახმეტის, ყვარლისა და ლაგოდეხის ოლქში; ხოლო გიორგი ღვინიაშვილი გურჯაანიის, საგარეჯოს, სიღნაღისა და დედოფლისწყაროს ოლქში.

2020 წლის საპარლამენტო არჩევნები ახალი, 120/30 სისტემით ჩატარდება — მოსახლეობა 120 დეპუტატს პარტიული სიებიდან აირჩევს, ხოლო 30-ს მაჟორიტარობის კანდიდატებს შორის.