თეთრი ხმაურის მოძრაობის აქციაზე დაკავებულები სასამართლომდე არ გაათავისუფლეს. ინფორმაცია On.ge-ს მოძრაობის აქტივისტმა ქეთა გაბუნიამ მიაწოდა:

"სასამართლო ჩაინიშნება ხვალ თუ მორიგე მოსამართლე იქნება, თუ არა და იქნება ორშაბათს".

დაკავებულები არიან შოთა ხინჩაგაშვილი და მირიან მალაყმაძე. თავდაპირველად მათთან იურისტებს არ უშვებდნენ, მოგვიანებით კი მათთან EMC-ის იურისტი, გურო იმნაძე შეუშვეს.

თეთრი ხმაურის მოძრაობაში აცხადებენ, რომ ერთ-ერთ დაკავებულს სახე დაზიანებული აქვს:

"ერთ აქტივისტს, რომელიც ვიდეოში ჩანს, პოლიციელები სახეში ურტყამდნენ ფეხებს და მას სახე დაზიანებული აქვს, რაზეც დამატებით ინფორმაციას ხვალ გავავრცელებთ".

დღეს ყოფილი პარლამენტის შენობის წინ აქცია დეკრიმინალიზაცია 2016 გაიმართა, სადაც შეკრებილები ნარკოტიკების მოხმარების დეკრიმინალიზაციას ითხოვდნენ.

აქტივისტების დაკავების ვიდეო კადრები ნახეთ On.ge-ს ფეისბუკ გვერდზე.