ეკონომიკის მინისტრის, ნათია თურნავას განცხადებით, საზღვარგარეთ, მაგალითად თურქეთში დასაქმებული საქართველოს მოქალაქეები, სავარაუდოდ, ქვეყნებს შორის ურთიერთშეთანხმების საფუძველზე შეძლებენ წასვლას. ამ თემაზე მან რუსთავი 2-ის ეთერში ისაუბრა.

"რაც შეეხება დასაქმებულ მოსახლეობას, არა მარტო თურქეთში, არამედ სხვა ქვეყნებში, ძალიან მნიშვნელოვანია, რომ თვითონ მიმღები ქვეყანა როგორ უყურებს ამას. თუ მიმღებ ქვეყანაში არ იქნება პრობლემა ჩვენ განვიხილავთ გარკევულ მექანიზმებს. დიდი ხნით წამსვლელი ადამიანები ალბათ, ურთიერთშეთანხმებით შეძლებენ, რომ წავიდნენ. ჩვენ ამ მექანიზმს შევთავაზებთ, მიდის ახლა მექანიზმის დამუშავება, მაგრამ ყველამ უნდა იცოდეს, რომ უკან დაბრუნებისას მათაც მოუწევთ სავალდებულო კარანტინის გავლა", — თქვა ნათია თურნავამ.

თურქეთში დასაქმებული საქართველოს მოქალაქეები მთავრობას საზღვრის გახსნას რამდენიმე კვირაა სთხოვენ, თუმცა სარფის საბაჟო გამშვები პუნქტი მხოლოდ სატვირთო გადაზიდვებისთვისაა ღია.

მთავრობა ევროკავშირის წევრ 5 ქვეყანას საზღვრებს უპირობოდ უხსნის. პრემიერმინისტრის პრესსპიკერის, ირაკლი ჩიქოვანის განცხადებით ეს ქვეყნებია:

  1. გერმანია;
  2. საფრანგეთი;
  3. ლიეტუვა;
  4. ლატვია;
  5. ესტონეთი.

მთავრობის გადაწყვეტილებით, ევროკავშირის ქვეყნებიდან ნებისმიერი ვიზიტის შემდეგ სამშობლოში დაბრუნებული საქართველოს მოქალაქეები 14-დღიან სავალდებულო კარანტინს გაივლიან. იგივე წესი არ ვრცელდება ევროკავშირის 5 ქვეყნიდან ჩამოსულ ტურისტებზე, თუ მათ ტემპერატურა არ აქვთ.

ამავე თემაზე:

ევროკავშირის საბჭომ ოფიციალურად გამოაქვეყნა მათ მიერ შემუშავებული რეკომენდაცია, პირველი ივლისიდან მოგზაურობის შეზღუდვების დროებითი შემსუბუქების შესახებ. მან წევრ ქვეყნებს რეკომენდაცია მისცა, რომ "ეპიდემიოლოგიურად უსაფრთხო" 15 ქვეყნისთვის საზღვრები გაეხსნათ. ამ ქვეყნებს შორის იყო საქართველოც. წევრი ქვეყნების ნაწილმა რეკომენდაცია გაითვალისწინა და საზღვრები სხვადასხვა პირობით გახსნა, ნაწილმა არა.

გაიგეთ მეტი: