ევროკავშირის საბჭომ ოფიციალურად გამოაქვეყნა მათ მიერ შემუშავებული რეკომენდაცია, პირველი ივლისიდან მოგზაურობის შეზღუდვების დროებითი შემსუბუქების შესახებ. საბჭოს განცხადებაში წერია, რომ სია ყოველ ორ კვირაში განახლდება, ეპიდემიოლოგიური სიტუაციიდან გამომდინარე. დაშვებულ ქვეყნებს შორისაა:

  1. ალჟირი;
  2. ავსტრალია;
  3. კანადა;
  4. საქართველო;
  5. იაპონია;
  6. მონტენეგრო;
  7. მაროკო;
  8. ახალი ზელანდია;
  9. რუანდა;
  10. სერბეთი;
  11. სამხრეთ კორეა;
  12. ტაილანდი;
  13. ტუნისი;
  14. ურუგვაი;
  15. ჩინეთი - ექვემდებარება დადასტურებას, თუკი ჩინეთიც გაუხსნის საზღვრებს ევროკავშირის მოქალაქეებს.

ანდორას, მონაკოს, სან მარინოსა და ვატიკანის რეზიდენტები ევროკავშირის რეზიდენტად განიხილებიან. მოგზაურთა დასაშვებად, მესამე ქვეყნებისთვის განმსაზღვრელია ეპიდემიოლოგიური მდგომარეობა და უსაფრთხოების ზომები, როგორიცაა, ფიზიკური დისტანცია და ეკონომიკური და სოციალური მოსაზრებები. საბჭოს განცხადებით, ეპიდემიოლოგიური სიტუაციის თვალსაზრისით, მესამე ქვეყნები შემდეგ კრიტერიუმებს უნდა აკმაყოფილებდნენ:

  • კორონავირუსის ახალი შემთხვევები 14 დღის განმავლობაში 100 000 ადამიანზე ევროპის საშუალო მონაცემებთან ახლოს ან ქვემოთ (2020 წლის 15 ივნისის მდგომარეობით);
  • ახალი შემთხვევების სტაბილური ან კლებადი ტენდენცია აღნიშნულ პერიოდში, წინა 14 დღესთან შედარებით;
  • ზოგადი პასუხი COVID-19-თან, სადაც მხედველობაში მიიღება ტესტირება, დაკვირვება, კონტაქტების მოძიება, მკურნალობა და ინფორმაციის სანდოობა. ასევე, საჭიროების შემთხვევაში ჯანდაცვის საერთაშორისო რეგულირების საშუალო ქულა.