"თქვენ არ გესმით ქართველი ხალხის, თქვენ არ გესმით სტუდენტების, რომლებიც აპროტესტებენ. თქვენ საქართველოს, ჩვენს მომავალს წაართვით მომავალი და ჩვენს ქვეყანას მიაქანებთ რუსეთისკენ. თქვენ თავმჯდომარესაც ვერ გიწოდებთ, თქვენ ხართ "ტოჩკა.რუ". შენ ხარ შავი ლაქა", — ასე მიმართა ცესკოში "ერთიანობა — ნაციონალური მოძრაობის" წარმომადგენელმა დავით კირთაძემ ცესკოს თავმჯდომარეს, გიორგი კალანდარიშვილს.

კირთაძეს მიკროფონი გაუთიშეს, რასაც სიტყვიერი დაპირისპირება მოჰყვა. ამ პროცესში კირთაძე კალანდარიშვილს მიუახლოვდა და მას შავი საღებავი შეასხა. შედეგად, სხდომა დროებით შეწყდა, თუმცა მალევე განახლდა.

სხდომაზე კალანდარიშვილი ახვეული თვალით დაბრუნდა.