კომუნიკაციების კომისია Facebook-ისადმი ღია წერილის ხელმომწერებს ორმაგ სტანდარტებში ადანაშაულებს
![](http://ross.on.ge/2020/07/03/komunikatsiebis_komisia.jpg)
ფოტო: კომუნიკაციების კომისია
კომუნიკაციების ეროვნული კომისია Facebook-ისადმი მიწერილი ღია წერილის გამო მედიებსა და არასამთავრობო ორგანიზაციებს აკრიტიკებს; მიზეზი კი ის არის, რომ ამ მედია საშუალებებისა და NGO-ების ნაწილმა წლების წინ გაასაჩივრა კომისიის მოთხოვნა ფინანსურ გამჭვირვალობაზე. კომისია "ორმაგ სტანდარტად" აფასებს იმ ფაქტს, რომ ღია წერილის ხელმომწერები Facebook-ისგან სწორედ ფინანსურ გამჭვირვალობას ითხოვენ.
კერძოდ, კომისია იხსენებს, რომ ხელმომწერთა ნაწილმა გაასაჩივრა მათი მოთხოვნა, აღესრულებინათ 2013 წელს მიღებული მაუწყებლის შესახებ კანონი. მათი განმარტებით, კანონის მიღების მიზანი იყო საზოგადოებას არაწინასაარჩევნო პერიოდშიც ჰქონოდა დეტალური ინფორმაცია მედიის დაფინანსების წყაროების შესახებ. მათივე თქმით, 7 წლის შემდეგ, როცა სასამართლოს ორი ინსტანციის გადაწყვეტილება არსებობს, მედიის ნაწილი კვლავ ეწინააღმდეგება კანონის მოთხოვნას და გამჭვირვალობას.
"სამწუხაროა, რომ ქართული მედიისა და არასამთავრობო სექტორის ნაწილი ქვეყანაში ორმაგი სტანდარტის დამკვიდრებას ცდილობს. კომუნიკაციების კომისია 7 წელია მაუწყებლობის შესახებ კანონის აღსრულებას და მაუწყებლების ფინანსურ გამჭვირვალობას ითხოვს. ამ პროცესში კომუნიკაციების კომისიას მთავარ წინააღმდეგობას დღემდე სწორედ იმ ორგანიზაციების ნაწილი უწევს, რომელიც ფეისბუქის ადმინისტრაციას ფინანსური გამჭვირვალობისკენ მოუწოდებს", — წერია კომუნიკაციების კომისიის განცხადებაში.
29 ივნისს არასამთავრობო ორგანიზაციებმა და მედიის წარმომადგენლებმა Facebook-ს ღია წერილით მიმართეს და მოუწოდეს, გაითვალისწინოს საქართველოში არსებული პოლიტიკური გარემო და წინასაარჩევნოდ ხელმისაწვდომი გახადოს პოლიტიკური რეკლამების ბიბლიოთეკა. გარდა ამისა, სამოქალაქო საზოგადოების წარმომადგენლებმა მოუწოდეს სოციალური მედიის გიგანტის ხელმძღვანელებს, რომ გაძლიერდეს ძალისხმევა საარჩევნო პერიოდში არაავთენტური კოორდინირებული ქცევის გამოსავლენად. განცხადების ხელმომწერებს შორის, სხვა მედიებთან ერთად, არის On.ge-ც.
ხელმომწერები აღნიშნავენ, რომ ფართომასშტაბიანი დისკრედიტაციის კამპანია ფეისბუქზე ჯერ კიდევ 2018 წლის საპრეზიდენტო არჩევნების დროს შეინიშნებოდა, რისი მიზანიც ამომრჩეველზე ზეგავლენის მოხდენა და ნეგატიური კამპანიის ფონზე საარჩევნო პროცესის რადიკალიზაცია იყო. განცხადებაში აღნიშნულია რუსეთის ფედერაციის როლიც საქართველოში დეზინფორმაციის გავრცელებაში და ხაზგასმულია, რომ 30 წლის განმავლობაში მეზობელი ქვეყანა აგრესიულ ქმედებებს ახორციელებს, რომელთა ნაწილში ჰიბრიდული ომი მოიაზრება.
"საქართველოს საპარლამენტო არჩევნებამდე ოთხი თვე რჩება. ფეისბუქს აქვს შანსი მტკიცე ქმედებებით და საინფორმაციო გარემოს დაცვის გზით პასუხისმგებლიანი როლი შეასრულოს ამ არჩევნებზე. ამისთვის, მნიშვნელოვანია, დაუყოვნებლივ ამოქმედდეს პოლიტიკური რეკლამების გამჭვირვალობის ფეისბუქის ხელთ არსებული მექანიზმები", — წერია განცხადებაში.
განცხადებას ხელს აწერენ:
- სამართლიანი არჩევნებისა და დემოკრატიის საერთაშორისო საზოგადოება (ISFED);
- საქართველოს რეფორმების ასოციაცია (GRASS);
- საერთაშორისო გამჭვირვალობა - საქართველო;
- მედიის განვითარების ფონდი (MDF);
- მოძრაობა სირცხვილია;
- ინფორმაციის თავისუფლების განვითარების ინსტიტუტი (IDFI)
- ონლაინგამოცემა პუბლიკა — publika.ge;
- ჟურნალისტიკის რესურსცენტრი;
- მწვანე ალტერნატივა;
- მმართველობის მონიტორინგის ცენტრი;
- ტელეკომპანია ფორმულა;
- საქართველოს ატლანტიკური საბჭო;
- ტაბულა;
- ეკონომიკური პოლიტიკის კვლევის ცენტრი (EPRC);
- საქართველოს პოლიტიკის ინსტიტუტი (GIP);
- საქართველოს გაეროს ასოციაცია;
- დემოკრატიისა და უსაფრთხო განვითარების ინსტიტუტი (IDSD);
- მთავარი არხი;
- კავშირი საფარი;
- პარტნიორობა ადამიანის უფლებებისთვის;
- ევროპის ფონდი;
- ადამიანის უფლებათა ცენტრი;
- საქართველოს დემოკრატიული ინიციატივა;
- რეგიონულ მაუწყებელთა ალიანსი;
- საქართველოს ღია საზოგადოების ფონდი (OSGF);
- დემოკრატიის კვლევის ინსტიტუტი;
- ტოლერანტობის და მრავალფეროვნების ინსტიტუტი (TDI);
- კავკასიის კვლევითი რესურსების ცენტრი — საქართველო;
- მედიასაშუალება ინდიგო;
- მსოფლიო გამოცდილება საქართველოსთვის;
- ცენტრი ემპათია;
- საზოგადოება და ბანკები;
- ლიბერალური აკადემია — თბილისი;
- ონლაინ გამოცემა On.ge;
- ტელეკომპანია პირველი;
- ტელეკომპანია კავკასია;
- სტუდია მონიტორი;
- საქართველოს სტრატეგიისა და საერთაშორისო ურთიერთობების კვლევის ფონდი (რონდელის ფონდი);
- საქართველოს ახალგაზრდა იურისტთა ასოციაცია;
- ინტერნიუსი — საქართველო;
- თბილისი პრაიდი;
- საქართველოს მომავლის აკადემია;
- ფორსეტი;
- ადამიანის უფლებების სწავლებისა და მონიტორნგის ცენტრი (EMC);
- OC-Media;
- IWPR საქართველო;
- საქართველოს ჟურნალისტური ეთიკის ქარტია.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები