სამხედრო სამსახურის შესახებ კანონში დაგეგმილი ცვლილებით, პროფესიულ სასწავლებელში მიღებული სტუდენტებისთვის ჯარში გაწვევა ერთჯერადად გადავადება. შესაბამის საკანონმდებლო ინიციატივას მთავრობის სხდომაზე განათლების სამინისტრო წარადგენს. ამის შესახებ პრემიერმა გიორგი გახარიამ სხდომის დაწყებამდე ისაუბრა.

პრემიერის თქმით, ცვლილების ძირითადი პრინციპია პროფესიულ სასწავლებელში მიღებული სტუდენტებისთვის, ერთჯერადად სამხედრო სამსახურის გადავადება. მისივე განმარტებით, პროფესიულ სასწავლებელში კურსები 12 ან 24-თვიანია:

"ეს ხელს შეუწყობს პროფესიული განათლების გავრცელებას საქართველოში და ასევე, არ იქნება სავალდებულო სამხედრო სამსახურისგან თავის არიდების ინსტრუმენტი, რამეთუ ეს იქნება ერთჯერადი გადავადება. ჩვენს ახალგაზრდებს მივცემთ შესაძლებლობას, შეიძინონ პროფესია".