შვედი მომღერალი Jay-Jay Johanson საქართველოს ეწვევა. მომღერლის კონცერტი Tbilisi Event Hall-ში 4 ივნისს გაიმართება. კონცერტის ბილეთების შეძენა გალერეა ბიბლუსსა და biletebi.ge-ზე 50 ლარად არის შესაძლებელი.

ჯეი-ჯეი იოჰანსონი 20-წლიანი მუსიკალური კარიერის განმავლობაში პოპის, ელექტრონული მუსიკის, ტრიპ-ჰოპისა და ორკესტრული არანჟირების სინთეზით ქმნის მუსიკას. ის განსაკუთრებით ცნობილია თავისი მელანქოლიური ვოკალით.

იოჰანსონს ათი სტუდიური ალბომი აქვს გამოშვებული. მისი ჰიტებია: Believe in Us, She Doesn’t Live Here Anymore, Far Away, It Hurts Me So და სხვა.

იოჰანსონის ბოლო, მეათე ალბომი სახელწოდებით Opium, 2015 წელს გამოვიდა. შვედი მომღერალი საქართველოს სწორედ ამ ალბომის მხარდასაჭერი ტურნეს ფარგლებში ეწვევა.