"კლასგარეშე საუბრები" ილიას სახელმწიფო უნივერსიტეტისა და განათლების კოალიციის ახალი ინიციატივაა, რომელიც ხორციელდება სკოლის ლიდერობის ეროვნული კონკურსის ფარგლებში და განკუთვნილია სკოლის მოსწავლეებისთვის. პროექტის ფარგლებში მოსწავლეებს საშუალება ექნებათ, ლაივრეჟიმში მოისმინონ ილიაუნის პროფესორთა ლექციები, დაუსვან მათ შეკითხვები და მიიღონ პასუხები.

ლექციების ტრანსლაცია მოხდება ილიას სახელმწიფო უნივერსიტეტის, განათლების კოალიციისა და სკოლის ლიდერობის ეროვნული კონკურსის ფინალისტი დირექტორების სკოლების ფეისბუქის გვერდებზე.

ლექციები გაიმართება ყოველ ხუთშაბათს, 17:00 საათზე.

განრიგი:

18 ივნისი – "თანამედროვე ტექნოლოგიები პანდემიასთან ბრძოლაში"

მომხსენებელი: ნანა დიხამინჯია, ილიას სახელმწიფო უნივერსიტეტის რექტორის მოადგილე ინოვაციების მიმართულებით, კომპიუტერული და ელექტრონული ინჟინერიის პროფესორი;

25 ივნისი – "ბავშვის გამოხატვის თავისუფლება – ბავშვის უფლება მისი აზრის მოსმენასა და მონაწილეობაზე"

მომხსენებლები: თამარ გურჩიანი, ილიაუნის სამართლის სკოლის პროფესორი, მარიამ დევიძე, ილიაუნის სამართლის სკოლის სტუდენტი;

2 ივლისი – "კარგი წიგნი ყველა თაობის მკითხველისათვის".

მომხსენებელი: ანა კორძაია-სამადაშვილი, ილიას სახელმწიფო უნივერსიტეტის ჰუმანიტარული მეცნიერებების მიმართულების ასოცირებული პროფესორი;

9 ივლისი – "როგორ იქმნება სპექტაკლი"

მომხსენებლები: ნატალია თვალჭრელიძე, ილიაუნის თეატრის ხელმძღვანელი, დათო ველიჯანაშვილი, ილიაუნის თეატრის მოწვეული მსახიობი, მარიამ როინიშვილი, ილიაუნის თეატრის მოწვეული მსახიობი.

ლექციების განრიგი და ინფორმაცია სპიკერების შესახებ განახლდება ეტაპობრივად.

პარტნიორი სკოლები:

  • საჩხერის მუნიციპალიტეტის სოფელ ნიგვზარის საჯარო სკოლა;
  • ილია ჭავჭავაძის სახელობის ქალაქ საჩხერის №2 საჯარო სკოლა;
  • ხაშურის N1 საჯარო სკოლა;
  • ქუთაისის N33 საჯარო სკოლა;
  • საჩხერის მუნიციპალიტეტის სოფელ კორბოულის N2 საჯარო სკოლა;
  • მამია ფანცულაიას სახელობის წყალტუბოს მუნიციპალიტეტის სოფელ ფარცხანაყანევის N2 საჯარო სკოლა;
  • გორის მუნიციპალიტეტის სოფელ ხიდისთავის საჯარო სკოლა;
  • წალკის მუნიციპალიტეტის სოფელ ბარეთის საჯარო სკოლა;
  • რუსთავის N4 საჯარო სკოლა;
  • მარნეულის N2 საჯარო სკოლა.