მსოფლიოში კორონავირუსით ინფიცირების დადასტურებულ შემთხვევათა რიცხვმა 8 მილიონს გადააჭარბა. ამის შესახებ ინფორმაციას აშშ-ს ჯონს ჰოპკინსის უნივერსიტეტი ავრცელებს.

ბოლო მონაცემებით, მსოფლიოში კორონავირუსით ინფიცირების 8 044 839 შემთხვევაა დადასტურებული, მათ შორის გარდაცვლილია 437 137 ადამიანი და გამოჯანმრთელებულია 3 883 390.

ვირუსით ინფიცირების ყველაზე მეტი შემთხვევა — 2 114 026 კვლავ აშშ-ში ფიქსირდება, შემდეგ მოდის ბრაზილია 888 271 შემთხვევით, რუსეთი — 544 725-ით და ინდოეთი 343 091 დაინფიცირებულით.

რაც შეეხება ვირუსით გარდაცვლილებს, ყველაზე მეტი ფატალური შემთხვევა — 116 127 აშშ-შია, შემდეგ მოდის ბრაზილია 43 959 გარდაცვლილით და დიდი ბრიტანეთი 41 821 დაღუპულით.