პრემიერმინისტრის, გიორგი გახარიას თქმით, კორონავირუსთან ბრძოლაში რამეს თუ მივაღწიეთ, ამით კი არ უნდა ვიამაყოთ, არამედ უნდა შევინარჩუნოთ. ამ თემაზე მან უცხო ქვეყნებიდან დაბრუნებულ საქართველოს მოქალაქეებთან ისაუბრა.

"უბრალოდ, ცოტა მეტი ძალა უნდა დავატანოთ ჩვენ თავს, ცოტა უფრო სერიოზულად უნდა აღვიქვათ რაღაცები, ცოტა მეტი ორგანიზებულობა უნდა გამოვიჩინოთ და პასუხისმგებლობა, იმისთვის, რომ რაღაცას თუ მივაღწიეთ, ახლა კი არ ვიამაყოთ, არამედ შევინარჩუნოთ და ჩვენს მოქალაქეებს მივცეთ იმის შესაძლებლობა, რომ იშრომონ და ოჯახში შემოსავალი შეიტანონ", — თქვა გიორგი გახარიამ.

პრემიერმა თქვა, რომ საზოგადოების პასუხისმგებლობა და მზაობა შეზღუდვების შემსუბუქების შემდეგ უფრო მეტი უნდა იყოს. მისი თქმით, უფრო ფრთხილად უნდა იყოს ყველა და ეპიდემიოლოგების რეკომენდაციები გაითვალისწინონ.

საქართველოში კორონავირუსის კიდევ 6 ახალი შემთხვევა გამოვლინდა. სულ შემთხვევები 843-მდე გაიზარდა, გამოჯანმრთელებულების რიცხვი კი 697 გახდა. გარდაცვლილია 13 ადამიანი. კარანტინის რეჟიმში 3 026 ადამიანი რჩება, ხოლო სტაციონარში მეთვალყურეობის ქვეშ — 297.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: