მმართველი, მასხარა, შემოქმედი, მაძიებელი

მმართველი, მოსიყვარულე, მაძიებელი, ბრძენი, გულუბრყვილო, შემოქმედი, კეთილი, მზრუნველი, მეამბოხე, გმირი, მასხარა და ჯადოსნური — ეს ის 12 ძირითადი არქეტიპია, რომელსაც ყველგან შეიძლება წააწყდე: წიგნებში, ფილმებში, მუსიკაში, ბრენდინგში და... საკუთარ თავშიც.

კარლ იუნგი არქეტიპების არსს მეტაფორით ხსნიდა: წყლის თითოეულ წვეთს აქვს პოტენციალი, რომ ფიფქად იქცეს, მაგრამ ამისთვის გარკვეული პირობების შექმნაა საჭირო. არქეტიპზე შეგვიძლია ვიფიქროთ, როგორც ჩვენი ფსიქიკის კრისტალურ სტრუქტურაზე, რომელსაც სწორი გარემოებები სჭირდება ჩვენს ფიქრებსა თუ სიტყვებში გამოსამჟღავნებლად, თუმცა ეს არ ნიშნავს, რომ ყოველი მასხარა ან მმართველი ერთნაირია. ჩვენ, ისევე, როგორც ფიფქები, ერთმანეთს ძალიან ვგავართ და ასევე ძალიან განვსხვავდებით.

იუნგის 12 ძირითადი არქეტიპი ცნობილ ბრენდებს სხვა თვალით დაგანახებთ

ცნობილი ბრენდები არქეტიპებს საკუთარ მომხმარებელთან ემოციური კავშირის ჩამოსაყალიბებლად იყენებენ. მაგალითად, Apple შემოქმედია, Ferrari — მოსიყვარულე, Google კი — ბრძენი. გაინტერესებს, შენ რომელ არქეტიპთან ხარ ყველაზე ახლოს? პასუხს ჩვენი ტესტიდან გაიგებ.

აირჩიე მამაკაცი პერსონაჟი:

აირჩიე ქალი პერსონაჟი:

აირჩიე დევიზი, რომელიც ყველაზე უკეთ აღწერს შენს პიროვნებას:

როგორი იყავი სკოლაში?

რომელი გირჩევნია?

გულის სიღრმეში რისი გეშინია?

აირჩიე ფერი:

მმართველი, მასხარა, შემოქმედი, მაძიებელი — რომელი არქეტიპი ხარ?

შენი შედეგია: მმართველი

შენ ბუნებრივი ლიდერი ხარ. როგორც წესი, სიტყვებს ფრთხილად არჩევ და მუდმივად ადევნებ თვალს საკუთარ იმიჯს. შენთვის მნიშვნელოვანია წესები და პრინციპები. მუდმივად ისწრაფვი მეტი ძალაუფლებისაკენ და როგორც წესი, სხვებსაც უბიძგებ ამისკენ.

რეალური ადამიანებიდან შენ უინსტონ ჩერჩილსა და დედოფალ ვიქტორიას ჰგავხარ. ხოლო ბრენდებიდან: როლექსს, მერსედეს ბენცს, ლუი ვიტონსა და ჰუგო ბოსს

შენი შედეგია: მოსიყვარულე

შენ ემოციური და გულწრფელი ხარ. შეგიძლია, რომ ადამიანი უზომოდ შეიყვარო, მაშინაც კი, როცა ეს მაინცდამაინც გამართლებული არ გგონია. ეს არქეტიპი ხუთივე ტიპის სიყვარულს აერთიანებს: მშობლიურს, ოჯახურს, მეგობრულს, სულიერსა და რომანტიკულს. რეალური ადამიანებიდან შენ ჰგავხარ მერილინ მონროს, ბიონსესა და მადონას, ხოლო ბრენდებიდან Victoria's Secret-ს, ფერარის, კელვინ კლაინსა და დიორს.

შენი შედეგია: მაძიებელი

შენთვის მთავარი ღირებულება თავისუფლებაა და შეგიძლია, სიახლეების აღმოჩენის სურვილით სხვა ადამიანებიც აანთო. შენ გჯერა, რომ ნივთების შეგროვებას მოგონებების შეგროვება სჯობს, კომფორტულ და მშვიდ ცხოვრებას კი — თავგადასავლები. ამ არქეტიპს ყველაზე კარგად ინდიანა ჯონსი და მულანი აღწერენ. ბრენდებიდან კი Jeep-ს, The North Face-ს, Amazon-სა და Nasa-ს ჰგავხარ. ქართული ბრენდებიდან ამ არქეტიპს თიბისი ეკუთვნის.

შენი შედეგია: ბრძენი

შენ გამუდმებით პასუხების ძიებაში ხარ და ამისთვის ხშირად საკუთარ თავსაც უღრმავდები. შენ გჯერა, რომ მთავარია, ადამიანმა საკუთარი ცხოვრებით მნიშვნელოვანი კვალი დატოვოს. არაჩვეულებრივი მრჩეველი და მეგობარი ხარ. ამ არქეტიპს ეკუთვნიან შერლოკ ჰომსი, აინშტაინი, ოპრა უინფრი, ხოლო ბრენდებიდან — Audi, The New York Times, TED, Google და Philips.

შენი შედეგია: გულუბრყვილო

ეს, ალბათ, ყველაზე ოპტიმისტური არქეტიპია. შენ გჯერა, რომ ადამიანები ბუნებით კეთილები არიან, მიუხედავად იმისა, რომ ხშირად უშვებენ შეცდომებს. შენ სიამოვნებას ყველაზე პატარა დეტალებშიც კი პოულობ და შენში მცხოვრებ ბავშვს მოწყენის საშუალებას არ აძლევ. რასაც ამბობ, მართლა გულისხმობ, რის გამოც რთულია, ვინმეს არ უყვარდე. ამ არქეტიპს ეკუთვნიან პრინცესა დაიანა, ანა ფრანკი, დოლი პარტონი და ფიფქია. ხოლო ბრენდებიდან Dove, Coca-Cola, McDonald's და Volkswagen.

შენი შედეგია: ხელოვანი

ხელოვანის არქეტიპისთვის ორიგინალურობასა და ინდივიდუალურობას ყველაზე მაღალი ღირებულება აქვს. შენი მიზანია, რომ ყველა იდეას, რომელიც თავში მოგდის, განხორციელების ფორმა უპოვო. შენი სისუსტე — პერფექციონიზმი. ხელოვანი ის არქეტიპია, რომელიც უცნობ სივრცეებში სხვებს გზას უკვალავს. ამ არქეტიპს მიეკუთვნებიან ლედი გაგა, ჯონი დეპი და ტონი სტარკი, ხოლო ბრენდებიდან — Lego, Adobe, Instagram, Apple და Sony. ქართული ბრენდებიდან ამ არქეტიპს თიბისი მიეკუთვნებოდა, თუმცა ამჟამად მას მაძიებლის არქეტიპი უფრო უხდება.

შენი შედეგია: კეთილი

კეთილი, რომელსაც სხვანაირად მოქალაქეს, მეზობელსა და რეალისტსაც უწოდებენ, ერთ-ერთი ყველაზე საინტერესო არქეტიპია. ის, ფაქტობრივად, საზოგადოების საშენი მთავარი ელემენტია. შენ განსაკუთრებით მაღალი პასუხისმგებლობის გრძნობა გამოძრავებს და ღრმად გწამს, რომ ყველა ადამიანი თანასწორია. რეალური და მხატვრული მაგალითებიდან შენ ჰგავხარ სემუელ ტარლის, ლილოს (ლილო და სტიჩიდან), ჯულია რობერტსსა და მეთ დეიმონს. ხოლო ბრენდებიდან Toyota-ს, IKEA-ს, Wrangler-ს, Gap-სა და Target-ს.

შენი შედეგია: მზრუნველი

მზრუნველის არქეტიპი იმდენად ბევრს ფიქრობს სხვებზე, რომ ხანდახან საკუთარი თავი ავიწყდება. შენ გჯერა, რომ მხოლოდ ერთ კარგ საქმესაც კი შეუძლია მსოფლიოს შეცვლა, შენი გულუხვობა კი სხვა ადამიანებსაც უბიძგებს, სხვებს დახმარების ხელი გაუწოდონ. შენი დევიზია: მოექეცი სხვას ისე, როგორც გინდა, რომ მოგექცნენ. რეალური და მხატვრული მაგალითებიდან შენ ჰგავხარ ოსკარ შინდლერს, ჰაგრიდს, ანჯელინა ჯოლის, დედა ტერეზას, მერი პოპინსსა და დალაი ლამას. ხოლო ბრენდებიდან Heinz-ს, Volvo-ს, Toms-ს, Nestle-ს, Nivea-სა და John Lewis-ს.

შენი შედეგია: მეამბოხე

შენი მიზანია, პერსონალური ან სოციალური ცვლილება გამოიწვიო. შენ გაღიზიანებს "ჩვეულებრივობა" და ისწრაფვი ტაბუების დამსხვრევისაკენ. შენი დევიზია: წესები იმისთვისაა, რომ დაარღვიო. რეალური და მხატვრული მაგალითებიდან შენ ჰგავხარ ჯეიმს დინს, ემინემს, მალკოლმ X-ს, რობინ ჰუდს, ხოლო ბრენდებიდან MTV-ს, Harley Davidson-ს, Diesel-სა და Virgin-ს.

შენი შედეგია: გმირი

გმირი მსოფლიოს ერთ-ერთი ყველაზე ძველი და პოპულარული არქეტიპია. შენთვის მთავარი მტერი უსამართლობაა, რომელზეც თვალს ვერაფრით ხუჭავ. შენ მამაცი და ერთგული ხარ, რის გამოც უამრავი ადამიანის აღტაცებას იმსახურებ. რეალური და მხატვრული მაგალითებიდან შენ ჰგავხარ გლადიატორს, ჯონ სნოუს, კეტნის ევერდინს, ჰარი პოტერსა და ნელსონ მანდელას. ბრენდებიდან კი: Nike-ს, BMW-ს, Fedex-ს, Duracell-სა, Snickers-ს.

შენი შედეგია: მასხარა

შენთვის ცხოვრება სახალისოა და ყველაზე რთულ მომენტშიც კი ახერხებ იუმორის მოშველიებას. ავტორიტეტები სიცილადაც არ გყოფნის და წარუმატებლობის შემდეგ სწრაფად ახერხებ ფეხზე დადგომას. შენი გონება ჩარჩოებს ვერ ეგუება, რის გამოც ადამიანებს შენი თვალსაზრისის გაზიარება ძალიან უყვართ. ცნობილი მაგალითებიდან შენ ჰგავხარ ჯიმ კერის, რობინ უილიამსს, ჩარლი ჩაპლინს, ელენ დეჯენერესსა და ჯოუის Friends-დან. ხოლო ბრენდებიდან Kia-ს, M&M’s-ს, Fanta-ს, Skittles-სა და Domino's-ს.

შენი შედეგია: ჯადოსნური

შენ გჯერა, რომ სამყარო მაგიით სავსეა, უბრალოდ აუცილებელია, მისი დანახვა ვისწავლოთ. შენ გრძნობ, რომ მოვლენები, ადამიანები და იდეები ერთმანეთთან კავშირშია: არაფერი ხდება უკვალოდ და პატარა ცვლილებაც კი მოვლენების ჯაჭვს იწვევს. შენ მტკიცედ გჯერა, რომ შეუძლებელი არაფერია და ამიტომ, ადამიანების გამხნევებაც არაჩვეულებრივად გამოგდის. ნამდვილი და მხატვრული მაგალითებიდან შენ ჰგავხარ გენდალფს, ლუნა ლავგუდს, ანაკინს, სნეიპს, სტივ ჯობსსა და მარტინ ლუთერ კინგს. ხოლო ბრენდებიდან დისნეის, ტესლას, პოლაროიდს, XBOX-სა და რედბულს.

ბოლო ამბები:

გირჩევთ