უმრავლესობის ლიდერი, დეპუტატი მამუკა მდინარაძე ამბობს, რომ როდესაც პრემიერმინისტრი პარლამენტში მივა, მასთან ბევრი კითხვა არ ექნება.

"ჩართული ვარ ყოველდღიურად გადაწყვეტილების მიღებისა და აღსრულების პროცესში. როცა ოპოზიცია ამბობდა, გიორგი გახარიას გული უსკდება პარლამენტში მოსვლაზეო, 27-შიც მოდის, 29-ში ინტერპელაციით მოდის და ივნისშიც რეგლამენტით უწევს მოსვლა", — უთხრა მდინარაძემ ჟურნალისტებს.

გიორგი გახარია პარლამენტში კორონავირუსთან დაკავშირებით ანგარიშით 27 მაისს წარსდგება, 29 მაისს კი ინტერპელაციის წესით, ოპოზიციის კითხვებს უპასუხებს. ივნისში მთავრობის მეთაური პარლამენტში წლიურ ანგარიშს წარადგენს.