ნაციონალური მოძრაობის ლიდერის, ნიკა მელიას თქმით, ბიძინა ივანიშვილმა ქართული ოცნების პოლიტიკოსებს გულზე მჯიღი არტყმევინა, პოლიტპატიმრები არ გვყავსო, შემდეგ კი გამოუშვა. ამ თემაზე მან კომენტარი TV პირველთან გააკეთა.

"[ივანიშვილმა] სანქციებიც კი დაინახა ჰორიზონტზე, შეეშინდა და ის ადამიანები, საკუთარი ქვეითი პოლიტიკოსები, რომლებსაც ალაპარაკებს რაც კი უნდა, როცა უნდა, გულზე მჯიღი არტყმევინა თალაკვაძეს და კობახიძეს, ჩვენ პოლიტიკური პატიმრები არ გვყავს, შესაბამისად ვერ გამოვუშვებთ, მოულოდნელად ერთ მშვენიერ საღამოს გამოუშვა", — თქვა ნიკა მელიამ.

პოლიტიკოსმა აღნიშნა, რომ ბიძინა ივანიშვილი საკუთარი ფულის შესანარჩუნებლად ხელებს ნებისმიერ ადამიანს შეახოცავს.