უმრავლესობის წევრი, ირაკლი კობახიძე ამბობს, რომ ევროპარლამენტის საგარეო საქმეთა კომიტეტის თავმჯდომარე, დევიდ მაკალისტერი საქართველოში არსებულ რეალობას აცდენილია.

მისი თქით, მაკალისტერი და მისი რამდენიმე კოლეგა ისეთი განცხადებებით გამოირჩევიან, რომელიც საქართველოში არსებულ სინამდვილესთან შეუსაბამო განცხადებებით გამოირჩევიან.

"ერთ-ერთმა კოლეგამ დღეს ძალიან კარგი პასუხი გასცა, როდესაც შეახსენა, რომ ინფორმაციას სჭირდება გადამოწმება და როდესაც ახსენა მან, რომ ევროპარლამენტის წარმომადგენლები არ უნდა იყვნენ ფეიკ ნიუსის გამავრცელებლები. ეს არის ადეკვატური შეფასება. რა თქმა უნდა, როდესაც გიორგი რურუას მოიხსენიებს მაკალისტერი პოლიტპატიმრად, აქ ყველაფერი არის დღესავით ნათელი, ნათელია ის, თუ რამდენად არის აცდენილი ასეთი განცხადებები იმ რეალობას, რომელიც საქართველოში არსებობს", — განაცხადა რუსთავი 2-ის ეთერში კობახიძემ.

ევროპარლამენტის საგარეო საქმეთა კომიტეტის თავმჯდომარემ, დევიდ მაკალისტერმა თქვა, რომ საქართველოში კიდევ ერთი პოლიტიკური პატიმარი, გიორგი რურუა ელის გათავისუფლებას. ამის შესახებ მან ევროპარლამენტის საგარეო საქმეთა კომიტეტის სხდომაზე განაცხადა, სადაც საქართველოს ევროკავშირთან ასოცირების ხელშეკრულების შესრულების საკითხი განიხილებოდა.