ევროპარლამენტარი, მარკეტა გრეგოროვა საქართველოს მოუწოდებს, საპროტესტო აქციის მონაწილეების მიმართ სამართალდამცავების მხრიდან ძალადობა გამოიძიონ. ამის შესახებ მან ევროპარლამენტის საგარეო საქმეთა კომიტეტის სხდომაზე განაცხადა, სადაც საქართველოს ევროკავშირთან ასოცირების ხელშეკრულების შესრულების ანგარიში განიხილება.

ასევე, გრეგორევამ ევროკომისიასა და ევროპულ საბჭოს მოუწოდა, რომ მხარი დაუჭირონ სამოქალაქო საზოგადოების ძალისხმევას, რადგან სამოქალაქო საზოგადოებას აკისრია დემოკრატიულ პროცესებში გადამწყვეტი როლი აკისრია.

"საქართველოს წინსვლისთვის, მე მოვუწოდებდი, ჩაეტარებინათ სრული გამოძიება სამართალდამცავების მხრიდან საპროტესტო აქციის მონაწილეებისა და ოპოზიციონერი პოლიტიკოსების მიმართ ძალადობაზე. მოვუწოდებ კომისიას, სრულად დაუჭირონ მხარი ევროკავშირთან თავისუფალ ვაჭრობას კოორდინირებული დახმარებით, რათა წავახალისოთ მდგრადი ეკონომიკური განვითარება და სტრუქტურული რეფორმები", — განაცხადა გრეგორევამ.

გრეგორევამ საქართველოს ყველა პოლიტიკურ პარტიას ურთიერთგაგების მემორანდუმის გაფორმება და 8 მარტის შეთანხმების მიღწევა მიულოცა. მისი თქმით, ეს დეპოლარიზაციისა და პოლიტიკური გარემოს ნორმალიზაციისთვის უმნიშვნელოვანესი ნაბიჯია.

"2020 წლის საპარლამენტო არჩევნებითვის იმედს გამოვთქვამ და მოვუწოდებ პოლიტიკურ პარტიებს, რომ განახორციელონ დადებული შეპირებები, რაც იქნება კიდევ ერთი ნაბიჯი წინგადადგმული ადმინისტრაციული და სასამართლო რეფორმებისკენ", — განაცხადა ევროპარლამენტარმა.