ეგვიპტის უმაღლესმა სააპელაციო სასამართლომ ეგვიპტის ყოფილი პრეზიდენტის მუჰამედ მორსის წინააღმდეგ სამუდამო პატიმრობის სასჯელი გააუქმა.

BBC-ის ინფორმაციით, საკასაციო სასამართლომ განაცხადა, რომ ექსპრეზიდენტი უცხოურ ორგანიზაციებთან შეთქმულებისა და ტერორისტული აქტების ჩადენის გამო გასამართლდება.

გასულ კვირას, მორსი სიკვდილით დასჯის სასჯელისგანაც გათავისუფლდა, რომელიც 2011 წელს ციხიდან პატიმრების მასობრივ გაქცევასთან ხელშეწყობის ბრალდების გამო ემუქრებოდა.

თუმცა 65 წლის ექსპრეზიდენტს გრძელვადიანი სასჯელი კვლავ მოსახდელი აქვს 2 სხვა საქმის გამო.

მუჰამედ მორსი პრეზიდენტად 2012 წელს აირჩიეს, თუმცა სამხედრო ძალებმა ის 1 წელიწადში ჩამოაგდეს, მას შემდეგ რაც მოსახლეობამ მისი მმართველობის წინააღმდეგ საპროტესტო გამოსვლები დაიწყო.