დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პირველის საუნივერსიტეტო კლინიკის დირექტორი, ლევან რატიანი ამბობს, რომ ბოლო რამდენიმე დღეა კლინიკაში ინფიცირების ახალი შემთხვევები არ მიუღიათ და დინამიკა კლებისკენ მკევთრად არის მიმართული.

მისი თქმით, ამ ეტაპზე კლინიკაში სულ 68 პაციენტი ჰყავთ და მათგან კოვიდინფიცირებული 52 არის.

რატიანის ცნობით, ბოლო 24 საათის განმავლობაში მათი კლინიკიდან 9 გამოჯანმრთელებული პაციენტი გაეწერა და დღის მეორე ნახევარში გამოჯანმრთელებაზე კიდევ რამდენიმე პაციენტის ტესტის პასუხს ელოდებიან.

"რეანიმაციაში გვყავს 3 პაციენტი, 1 სპონტანურ სუნთქვაზეა, 2 გამარტივებულ ფილტვის ვენტილაციაზე დადებითი დინამიკით. ამ პაციენტებთან არც ერთთან კოვიდინფექცია არ დასტურდება. განყოფილებაში არსებული პაციენტების მდგომარეობა ყველას სტაბილურია, ველოდებით ტესტირების შედეგებს დღის მეორე ნახევარში და კიდევ რამდენიმე პაციენტი დატოვებს კლინიკას“, – აღნშნა ლევან რატიანმა.

მისივე თქმით, რადგანაც კლინიკა შედარებით შემსუბუქებულ მდგომარეობაში გადავიდა, მედიასთან შეხვედრა კვირაში მხოლოდ 2-ჯერ, ორშაბათსა და პარასკევს ექნებათ.

ბოლო მონაცემებით, საქართველოში კორონავირუსით ინფიცირების კიდევ 3 შემთხვევა გამოვლინდა და ჯამში ინფიცირებულთა რიცხვი 638 გახდა. მათგან გამოჯანმრთელებულია 317 ადამიანი, ხოლო გარდაცვლილია — 10. კარანტინის რეჟიმში 4 896 ადამიანი იმყოფება, სტაციონარში მეთვალყურეობის ქვეშ კი 444.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: