სამდღიანი ძებნის შემდეგ ფშაველი-ომალოს გზაზე მაშველებმა ზვავის ქვეშ მოყოლილი მოქალაქის ცხედარი იპოვეს.

საგანგებო სიტუაციების მართვის სამსახურში აცხადებენ, რომ საძიებო სამუშაოებს მძიმე მეტეოროლოგიური პირობები ართულებდა. ხეობაში ჩამოწვა 532 000 ტონა თოვლის და მიწის მასა. მუდმივად იყო ზვავის გამეორების საფრთხე.

გზაზე ზვავის ქვეშ ორი მოქალაქის მოყოლის შესახებ ინფორმაცია 5 მაისს გავრცელდა. ერთ-ერთი მოქალაქე მალევე იპოვეს და ის სხვადასხვა დაზიანებებით საავადმყოფოში გადაიყვანეს. მეორე, დაკარგულ მოქალაქეს დღემდე ეძებდნენ.