საფრანგეთის ექს-პრეზიდენტი ნიკოლა სარკოზი საფრანგეთის რესპუბლიკური პარტიის პრეზიდენტობის კანდიდატობისთვის ბრძოლას გამოეთიშა. სარკოზი ყოფილმა პრემიერ-მინისტრმა, ფრანსუა ფილონმა დაამარცხა. ინფორმაციას The Guardian ავრცელებს.

სოციალ-კონსერვატორი ფილონი თავისუფალი ბაზრის რეფორმატორია, მარგარეტ ტეტჩერითაა აღფრთოვანებული და გეი-ქორწინების წინააღმდეგაც მისცა ხმა. ფილონი პარტიის საპრეზიდენტო ნომინაციის მოგებასთან ძალიან ახლოსაა და გამოკითხვებში 43 პროცენტით ლიდერობს.

სარკოზი ულტრა-მემარჯვენე კამპანიას აწარმოებდა და აქცენტს აკეთებდა ფრანგულ ეროვნულ იდენტობაზე. მის სამიზნეში ხშირად ხვდებოდნენ მუსლიმები და უმცირესობები. სარკოზი კამპანიის დროს უნივერსიტეტებში მუსლიმური თავსაბურავების აკრძალვის ინიციატივით გამოვიდა. ექს-პრეზიდენტის კამპანიის ფინანსებთან დაკავშირებით საგამოძიებო უწყებებიც დაინტერესდნენ. სწორედ ამიტომ სარკოზი საკმაოდ საძულველი ფიგურა გახდა როგორც მარცხენა, ისე მარჯვენა ფლანგზეც.

დონალდ ტრამპის გამარჯვების შემდეგ, როგორც ჩანს პოლიტიკური რყევების დრო საფრანგეთსაც დაუდგა. გამოკითხვები აჩვენებს, რომ ეროვნული ფრონტის ლიდერი, მარი ლე პენი ფინალურ საპრეზიდენტო არჩევნებში მიიღებს მონაწილეობას, თუმცა მოგება გაუძნელდება.