დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დღეიდან, 27 აპრილიდან დაშვებულია მსუბუქი ავტომობილებით გადაადგილება ქალაქებს შიგნით. ასევე, შესაძლებელი იქნება გადაადგილება ტაქსით. აკრძალვები მოიხსნა მთელი ქვეყნის მასშტაბით.

ეს არ ეხება ერთი ქალაქიდან მეორეში შესვლას ან გასვლას. ამ შემთხვევებისთვის დღეს და ხვალ, 27-28 აპრილს, მოქმედებს გამონაკლისი — თბილისში, რუსთავში, ქუთაისსა და ბათუმში შესვლა და გამოსვლა შეეძლებათ იმ ადამიანებს, რომლებიც ბრუნდებიან ფაქტობრივ საცხოვრებელ მისამართზე ან სამსახურში.

28 აპრილის შემდეგ ქალაქებს შორის გადაადგილება კვლავ შეზღუდული იქნება, გარდა იმ ადამიანებისა, რომლებსაც სამსახურის გამო უწევთ ერთი ქალაქიდან მეორეში გადაადგილება. ამასთან, რეგისტრაციის ადგილზე დაბრუნება შესაძლებელია ნებისმიერ დღეს.

აღსანიშნავია, რომ აკრძალვების მოხსნა არ ეხება იმ მუნიციპალიტეტებისა და ადმინისტრაციულ ერთეულებს, სადაც დაწესენულია მკაცრი საკარანტინო შეზღუდვები.

ბოლო მონაცემებით, საქართველოში კორონავირუსით ინფიცირებულია 496 ადამიანი, მათგან 149 გამოჯანმრთელებულია, ხოლო 6 გარდაცვლილი. კარანტინის რეჟიმში 4 932 ადამიანი იმყოფება, სტაციონარში მეთვალყურეობის ქვეშ — 568.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: