პარტია კოალიცია ცვლილებებისთვის ერთ-ერთი ლიდერი ნიკა მელია მოსამართლე თორნიკე ქოჩქიანისთვის სიტყვიერი შეურაცხყოფის მიყენებისთვის 1 წლით და 6 თვით თავისუფლების აღკვეთა მიესაჯა.

საქმეში ნიკა მელიას წინააღმდეგ არსებობს ვიდეომტკიცებულება, სადაც ისმის ფრაზა "მოსამართლე *ლე ხარ".

მელიას ბრალდება საქართველოს სისხლის სამართლის კოდექსის 366-ე მუხლის მე-2 ნაწილით (სასამართლოს უპატივცემულობა, რაც გამოიხატა მოსამართლის შეურაცხყოფით) წარედგინა, რაც სასჯელის სახედ და ზომად 2 წლამდე თავისუფლების აღკვეთას ითვალისწინებს.

აღნიშნულმა სასჯელმა ნიკა მელიასთვის გამოტანილი წინა განაჩენი შთანთქა და ნიკა მელია საპატიმროს კვლავ 2026 წლის დეკემბერში დატოვებს.

2025 წლის 26 ნოემბერს, მელიას მოსამართლე ირაკლი შვანგირაძისთვის წყლის შესხმისთვის 1 წლითა და 6 თვის ვადით თავისუფლების აღკვეთა მიესაჯა.

მანამდე, 2025 წლის 27 ივნისს, ნიკა მელიას საგამოძიებო კომისიაზე გამოუცხადებლობისთვის 8 თვით თავისუფლების აღკვეთა მიესაჯა და 2 წლის ვადით აეკრძალა თანამდებობის დაკავება.

გარდა ამისა, ნიკა მელია ასევე ფიგურირებს ე.წ. საბოტაჟის საქმეზე. მელიას ბრალი საქართველოს სისხლის სამართლის კოდექსის 318-ე მუხლის პირველი ნაწილით აქვს წაყენებული, რაც სახელმწიფო საბოტაჟს გულისხმობს.