საქართველოში რუსეთის სამხედრო აგრესიიდან 18 წლისთავთან დაკავშირებით, საქართველოში ამერიკის შეერთებული შტატების საელჩო ოფიციალურ განცხადებას ავრცელებს.

დიპლომატიური წარმომადგენლობა კიდევ ერთხელ უცხადებს სოლიდარობას ქართველ ხალხს, გმობს საოკუპაციო რეჟიმის მიერ ჩადენილ დანაშაულებს და ხაზს უსვამს საქართველოს სუვერენიტეტისა და ტერიტორიული მთლიანობის უპირობო მხარდაჭერას.

"დღეს საქართველოს წინააღმდეგ განხორციელებული რუსეთის სამხედრო აგრესიიდან თვრამეტი წელი გავიდა. შეერთებული შტატები კვლავაც ღრმად შეშფოთებულია რუსეთის მიერ საქართველოს ტერიტორიის განგრძობადი ოკუპაციით და გმობს რუსეთის მიმდინარე ოკუპაციის პირობებში მომხდარ მკვლელობებს, გატაცებებსა და სხვა სახის ძალადობას.

სოლიდარობას ვუცხადებთ ქართველ ხალხს და კიდევ ერთხელ ვადასტურებთ ერთგულებას საქართველოს სუვერენიტეტის, დამოუკიდებლობისა და ტერიტორიული მთლიანობის მიმართ, ხაზს ვუსვამთ, კონფლიქტის მშვიდობიანი გადაჭრის საჭიროებას", — აღნიშნულია განცხადებაში.

შეგახსენებთ, 2008 წლის 7 აგვისტოს დილით რუსეთის რეგულარულმა არასამშვიდობო სამხედრო ძალებმა როკის გვირაბის გავლით საქართველოს სახელმწიფო საზღვარი გადმოლახეს და ქვეყნის ტერიტორიაზე შემოიჭრნენ.