მსოფლიოში ერთ-ერთმა ყველაზე გავლენიანმა და ავტორიტეტულმა გაზეთმა, The New York Times-მა, ორიოდე წლის წინ 21-ე საუკუნის საუკეთესო წიგნები დაასახელა. ახლა ამერიკული გამოცემა წერს, რომ მაშინ მალევე მიხვდნენ, 100 წიგნისგან შემდგარი ნუსხა მეტისმეტად მოკლე იყო და ის ვერანაირად დაიტევდა სხვადასხვა ჟანრის გამორჩეულ ლიტერატურულ ნიმუშებს.

სწორედ ამიტომ, გაზეთმა სიის გავრცობა დაისახა მიზნად და გადაწყვიტა, ამჯერად ჟანრულად შეერჩია საუკუნის საუკეთესო წიგნები. დასაწყისისთვის, შეირჩა თრილერი: ამ ჟანრში მოღვაწე მწერლებს, ბიბლიოთეკარებს, რედაქტორებს, კრიტიკოსებსა და წიგნის სხვა მოყვარულებს, ჯამში 291 შემფასებელს, დაევალათ 2000 წლის შემდეგ გამოცემული 10 საუკეთესო თრილერი რომანი დაესახელებინათ. ხმის მიცემის პროცესში ისეთი ცნობილი ავტორებიც მონაწილეობდნენ, როგორებიც არიან სტივენ კინგი, ჯონ გრიშემი, ფრიდა მაკფადენი და გილიან ფლინი. ამგვარად, საბოლოოდ, შედგა 21-ე საუკუნის 50 საუკეთესო თრილერის ჩამონათვალი.

სანამ საუკეთესო ათეულს გაგაცნობდეთ, გეტყვით ორმოცდაათეულში შესულ რამდენიმე წიგნს, რომლებიც ქართულადაცაა ნათარგმნი:

ს.ჯ. უოტსონის სანამ დავიძინებ (46-ე ადგილი), ქეროლაინ კეპნესის შენ (42-ე ადგილი), ჰარლან ქობენის არავის უთხრა (41-ე ადგილი), ბლეიკ კრაუჩის ბნელი მატერია (მე-40 ადგილი), ალექს მიქაელიდესის მდუმარე პაციენტი (36-ე ადგილი), ლეილა სლიმანის იავნანა (28-ე ადგილი), ლიან მორიარტის დიდი პატარა ტყუილები (27-ე ადგილი), დენ ბრაუნის და ვინჩის კოდი (26-ე ადგილი), დონა ტარტის ჩიტბატონა (23-ე ადგილი), ემა დონაჰიუს ოთახი (21-ე ადგილი), გილიან ფლინის ბასრი საგნები (მე-19 ადგილი), დენის ლიჰეინის წყეულთა კუნძული (მე-17 ადგილი), ლაიონელ შრაივერის კევინზე უნდა დაგელაპარაკო (მე-14 ადგილი) და პოლა ჰოკინსის გოგონა მატარებელში (მე-12 ადგილი).

აი, ათეული კი ასე გამოიყურება:

10. ატიკა ლოქის Bluebird, Bluebird (არაა თარგმნილი)
9. მიკ ჰერონის ხელმოცარულთა ბუნაგი
8. შ.ა. ქოზბის Razorblade Tears (არაა თარგმნილი)
7. ლიზ მურის The God of the Woods (არაა თარგმნილი)
6. ოინკან ბრეითვეიტის My Sister, the Serial Killer (არაა თარგმნილი)
5. კორმაკ მაკარტის მოხუცების ადგილი აქ არ არის
4. სტიგ ლარსონის გოგონა დრაკონის ტატუთი
3. ტანა ფრენჩის უღრან ტყეში
2. დენის ლიჰეინის Mystic River (არაა თარგმნილი)
1. გილიან ფლინის გაუჩინარებული ქალი

ასევე იხილეთ:

თუ წიგნების კითხვა და მათი განხილვა არასდროს გბეზრდება, შემოგვიერთდი ჯგუფში ერთი გვერდიც და...