საქართველოს ბანკი მომხმარებლებისთვის ციფრული გამოცდილების გაუმჯობესებას განაგრძობს. მობილბანკის მორიგი განახლების ფარგლებში მათ ახალი ფუნქციონალები და დამატებითი შესაძლებლობები დახვდებათ: მობილბანკის გათამაშება, ინვესტიციების განხორციელება საფონდო ბირჟის არასამუშაო საათებში და ინვესტიციებისთვის სტოპ დავალების ფუნქციონალი.

მობილბანკის გათამაშება

მობილბანკში მასშტაბური გათამაშება მიმდინარეობს, რომლის საპრიზო ფონდი 150,000 ლარს შეადგენს. მომხმარებლებს შეუძლიათ, მოიგონ 80,000; 50,000 ან 20,000 ლარი.

გათამაშებაში მონაწილეობა შეუძლიათ საქართველოს ბანკის მომხმარებლებს, ჩართვა ხდება ავტომატურად — მობილბანკში შესვლისთანავე. ყოველდღიური საბანკო ოპერაციებისა და ბარათით გადახდების შესრულებით კი მომხმარებლები დამატებით ბილეთებს აგროვებენ და მოგების შანსს ზრდიან.

გათამაშების შესახებ დეტალურ ინფორმაციას გაეცანით ბმულზე.

ინვესტირება ახლა უკვე არასამუშაო საათებშიც

საქართველოს ბანკმა საბანკო სექტორში პირველად მომხმარებლებს შესაძლებლობა მისცა, აქციების ყიდვა-გაყიდვის დავალებები საფონდო ბირჟის არასამუშაო საათებშიც განათავსონ.

თუ აქამდე დავალებების განთავსება მხოლოდ ბირჟის მუშაობის დროს იყო შესაძლებელი, მობილბანკის განახლების შემდეგ მომხმარებლები დავალებების განთავსებას შეძლებენ როგორც ბირჟის გახსნამდე, ისე მისი დახურვის შემდეგაც. ეს მათ ინვესტიციების უფრო მოქნილად მართვის შესაძლებლობას აძლევს.

სიახლის აღსანიშნავად, 30 აგვისტოს ჩათვლით მოქმედებს სპეციალური კამპანია — არასამუშაო საათებში განხორციელებული ყოველი მე-500 ყიდვის ტრანზაქცია გაორმაგდება.

სტოპ დავალება — მეტი კონტროლი ინვესტიციებზე

განახლებას კიდევ ერთი მნიშვნელოვანი სიახლეც დაემატა — სტოპ დავალების ფუნქციონალი.

მისი დახმარებით მომხმარებელს შესაძლებლობა აქვს წინასწარ განსაზღვროს კონკრეტული აქციის ყიდვს ან გაყიდვის მისთვის სასურველი ველი ფასი. დავალება ავტომატურად შესრულდება მაშინ, როდესაც ბაზარზე აქციის ფასი მომხმარებლის მიერ განსაზღვრულ ნიშნულს მიაღწევს.

ფუნქციონალი განსაკუთრებით კარგად გამოიყენება რისკების მართვისთვის, რადგან ინვესტორებს შესაძლებლობას აძლევს, წინასწარ განსაზღვრონ მისაღები ზარალის ან მოგების ზღვარი და აღარ დასჭირდეთ ბაზრის მუდმივი მონიტორინგი.