პარლამენტის წევრმა ქართული ოცნების სიით, მამუკა მდინარაძემ რუსთავი ორის ჟურნალისტთან ბიძინა ივანიშვილზე საუბრისას მას ეპოქის გმირი უწოდა.

ჟურნალისტის კითხვას, რამდენად ანგარიშვალდებული იქნება ამ მოწვევის უმრავლესობა ბიძინა ივანიშვილის წინაშე, მდინარაძემ ასე უპასუხა:

"მე არასდროს ვყოფილვარ იმ ადამიანების წინაშე ანგარიშვალდებული, ვისაც, მაგალითად არ ვიცნობ. თუმცა აქ არ უნდა დაგვავიწყდეს და ძალიან გულწრფელი ვარ ამ შეფასებაში, რომ ეს ადამიანი არის 2012 წელს, ერთ-ერთი...გმირი ეპოქისა, პირდაპირ დავარქმევ, იქიდან გამომდინარე, რომ მან, სხვა ადამიანებთან ერთად, რომელთაც ასევე გმირებს ვუწოდებ, ჩვენი გუნდის ძველ წევრებს მათ შორის, შეძლეს ჩვენი ქვეყნის ისტორიის შეცვლა."