ცნობილი ფილმებიდან ნივთები საქველმოქმედო აუქციონზე იყიდება

ალბათ, ყველა მაყურებელს ცხოვრებაში ერთხელ მაინც უოცნებია, რომ საყვარელი ფილმიდან სამახსოვროდ განსაკუთრებული ნივთი ჰქონოდა: ტანსაცმელი, რომელიც ამ ფილმის გმირს ეცვა ან თუნდაც ჭიქა, რომლითაც ის ყავას სვამდა.

ამერიკული კინოსტუდია A24 გულმხურვალე ფანებს შესაძლებლობას აძლევს, რომ სწორედ ეს ოცნება აიხდინონ და თან საქველმოქმედო კამპანიაში მიიღონ მონაწილეობა: ამ სტუდიის მიერ წარმოებული ფილმებიდან სხვადასხვა დასამახსოვრებელი ნივთი აუქციონზე ონლაინ იყიდება, შემოსული თანხა კი მთლიანად საავადმყოფოებისა და იქ დასაქმებული ადამიანების დასახმარებლად გამოიყოფა, რათა პანდემიასთან ბრძოლაში სათანადო აღჭურვილობა ჰქონდეთ.

"A24 ნიუ-იორკში დაფუძნდა და კომპანიას სურს ამ ქალაქს კრიზისის დაძლევაში დაეხმაროს. აუქციონიდან შემოსული თანხის 100% ოთხ სხვადასხვა საქველმოქმედო ორგანიზაციას გადაერიცხება, რომელთა მიზანიც განსაკუთრებულად დაზარალებული მოსახლეობისა და ფორსმაჟორში მომუშავე სამედიცინო პერსონალის დახმარებაა", — ვკითხულობთ განცხადებაში.

აუქციონზე გადააწყდებით ნივთებს ისეთი ცნობილი ფილმებიდან, როგორებიცაა რობერტ ეგერსის The Lighthouse და არი ასტერის Hereditary.

ნახეთ ამ ნივთების ჩამონათვალი:

ძვირფასი ქვებით შემკული სუვენირი ძმები საფდების ფილმიდან Uncut Gems

კაბა, რომელიც იდინა მენზელს ეცვა ფილმში Uncut Gems

დროის კაფსულა ბო ბერნემის ფილმიდან Eighth Grade

ესეც სარიტუალო სამოსი არი ასტერის ფილმიდან Midsommar

დათვის ნიღაბი კვლავ Midsommar-დან

ქალთევზას ფიგურა რობერტ ეგერსის ფილმიდან The Lighthouse

ფილმის მთავარი სიმბოლო — სანათი The Lighthouse-დან

ფეხსაწმენდი არი ასტერის საშინელებათა ჟანრის ცნობილი ფილმიდან Hereditary

და ბოლოს სერიალ Euphoria-ს რეკვიზიტი: ზენდაიას პერსონაჟის — რუს ჰუდი

ბოლო ამბები:

გირჩევთ