დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრი ხელმძღვანელი, ამირან გამყრელიძე ხსნის, რატომ იქნება მომდევნო 3 კვირა კრიტიკულად მნიშვნელოვნად.

მისი თქმით, პიკის შიდაგავრცელების დაფიქსირებიდან მეექვსე კვირას იწყება, საქართველო კი ამის მიხედვით მეხუთე კვირაში იმყოფება.

"რატო ვამბობ 3 კვირას, ამაზე ხშირდად მეკითხებიან. ჩვენ პირველი შემთხვევა 26 თებერვალს დაგვიფიქსირდა და 22 მარტს უკვე დავაფიქსირეთ უკვე შიდაგავრცელების შემთხვევები, როდესაც ჩვენ უკვე ვეღარ გავედით პირველ წყაროზე. ჩვენ ვიყენებთ და ვსწავლობთ ბევრი ქვეყნის გამოცდილებას და შიდაგავრცელებიდან დაწყებული უკვე მეექვსედან მერვე კვირამდე ითვლება ყველაზე უფრო კრიტიკულ კვირებად. დღეს ჩვენ შევედით მეხუთე კვირაში, ამიტომ აპრილის ბოლო კვირა, მაისის პირველი კვირები მოსალოდნელია, რომ ინფექციის შემთხვევების კიდევ ზრდა იყოს", — განაცხადა გამყრელიძემ.

ბოლო მონაცემებით, ქვეყანაში კორონავირუსით ინფიცირების 408 შემთხვევაა დადასტურებული, მათ შორი გამოჯანმრთელებულია 95 ადამიანი, გარდაცვლილია 4, უცხოეთიდან სამკურნალოდ გადმოყვანილი საქართველოს მოქალაქეები —3, კარანტინის რეჟიმში 4 779 ადამიანი რჩება, სტაციონარში მეთვალყურეობის ქვეშ კი 561.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: