დაავადებათა კონტროლის ცენტრის ხელმძღვანელი, ამირან გამყრელიძის თქმით, იმას თუ რა როლი ითამაშა განხორციელებულმა და განუხორციელებელმა შეზღუდვებმა 10 დღის განმავლოვაში დაინახავენ.

მან მადლობა გადაუხადა იმ ადამიანებს, ვინც სოციალური პასუხისმგებლობა გამოიჩინეს და ეკლესიებში არ მივიდნენ. თუმცა, მისი თქმით, ერთი და ორი დღე დამშვიდების საფუძველს არ აძლევთ.

"დამშვიდების საფუძველი ნამდვილად არ გვაქვს, რადგან ახალი შემთხვევების ზრდა იქნება და თუ რა როლი ითამაშა იმ შეზღუდვებმა, რაც განხორციელდა და რაც ასევე, სამწუხაროდ, ზოგიერთ შემთხვევაში არ განხორციელდა, ამას ჩვენ დავინახავთ ერთი კვირის, ათი დღის შემდეგ", — განუცხადა საზოგადოებრივ მაუწყებელს ამირან გამყრელიძემ.

კორონავირუსის პანდემიის პირობებში, სპეციალისტების რეკომენდაციების მიუხედავად, საპატრიარქომ უარი თქვა მთავარი რეკომენდაციის შესრულებაზე და მრევლს სახლში დარჩენისკენ არ მოუწოდა, არც ეკლესიები დაკეტა დროებით. პირიქით, საქართველოს მთავრობა და ეკლესია შეთანხმდნენ, რომ აღდგომის ლიტურგიას მრევლიც დაესწრო.

ამ დროისთვის საქართველოში კორონავირუსის 394 დადასტურებული შემთხვევაა, მათ შორის გამოჯანმრთელდა 86, ხოლო გარდაიცვალა 4 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: